corona in mumbai latest updates: मुंबईकरांसाठी चिंता! करोनाचे नवे रुग्ण वाढले; पाहा ताजी स्थिती

मुंबई: मुंबई (Corona in Mumbai) महापालिका क्षेत्रात आज कालच्या तुलनेत करोनाच्या (Coronavirus) नव्या रुग्णसंख्येत वाढ झाली आहे. या बरोबरच आज मुत्यूंची संख्या देखील तुलनेने वाढली आहे. मुंबईत गेल्या २४ तासात २४३ नव्या रुग्णांचे निदान झाले आहे. काल ही संख्या २७० इतकी होती. तर, दिवसभरात २७२ रुग्ण बरे होऊन घरी परतले आहेत. कालच्या तुलनेत बरे होणाऱ्या रुग्णांची संख्या आज किंचित कमी आहे. काल ही संख्या २७९ इतकी होती. गेल्या २४ तासांत मुंबईत करोनाने ४ रुग्णांचा मृत्यू झाला आहे. काल ही संख्या १ इतकी होती. मात्र, मुंबईतील करोना वाढीचा दर ०.०४ टक्क्यांवरच स्थिर आहे. तर, रुग्ण दुपटीचा कालावधी कमी होत तो तब्बल १८८४ दिवसांवर पोहोचला आहे. (maharashtra registered 343 new cases in a day with patients recovered 272 and 4 deaths today)

याबरोबरच, मुंबईत आतापर्यंत एकूण ७ लाख २० हजार ७५० रुग्ण बरे झाले असून आतापर्यंत एकूण १५ हजार ९५६ रुग्णांचा मृत्यू झाला आहे. मुंबईतील रुग्ण बरे होण्याचे प्रमाण आता ९७ टक्के इतके असून कोविड रुग्णवाढीचा दर ०.०४ टक्क्यांवरच स्थिर आहे. त्याचवेळी मुंबईतील रुग्णदुपटीचा कालावधी आता १ हजार ८८४ दिवसांवर जाऊन पोहचला आहे.

क्लिक करा आणि वाचा- करोना: राज्यात आज रुग्णसंख्येत वाढ; मृत्यूसंख्येनेही वाढली चिंता

^{मुंबईत आज ४२ हजार ७२३ चाचण्या}

मुंबईत आज एकूण ४२ हजार ७२३ कोविड चाचण्या करण्यात आल्या असल्याचे मुंबई महानगरपालिकेने सांगितले आहे. सध्या झोपडपट्टी व चाळींमध्ये एकही सक्रिय कंटेनमेंट झोन नसून एकूण २६ इमारती सील करण्यात आल्या आहेत.

क्लिक करा आणि वाचा- ”ते’ आत जाईपर्यंत गप्प बसणार नाही’; नारायण राणेंचा ‘या’ मंत्र्यांना इशारा

आज संध्याकाळी ६ वाजेपर्यंतची स्थिती

२४ तासात बाधित रुग्ण – ३४३
२४ तासात बरे झालेले रुग्ण – २७२
बरे झालेले एकूण रुग्ण – ७२०७५०
बरे झालेल्या रुग्णांचा दर -९७%
एकूण सक्रिय रुग्ण- २८५५
दुप्पटीचा दर- १८८४ दिवस
कोविड वाढीचा दर (१८ ऑगस्ट ते २४ ऑगस्ट)-०.०४%

क्लिक करा आणि वाचा- तुम्ही माझं काही करू शकणार नाही, मी सर्वांना पुरून उरलोय; राणेंचे मुख्यमंत्र्यांवर टीकास्त्र