गिरणा नदी काठाजवळ आढळला एकाचा मृतदेह

(संपादक:शैलेश चौधरी)

एरंडोल:तालुक्यातील रवंजे बु! येथील तान्हू उर्फ आबा कौतिक सोनवणे वय-३६ वर्षे याचे प्रेत २ सप्टेंबर २०२१ रोजी दुपारी दापोरी शिवारातील थडीवर आढळून आले.
याबाबत एरंडोल पो.स्टे.ला अकस्मात मृत्यू ची नोंद करण्यात आली आहे.
याबाबत कानोसा घेतला असता असे समजले की तान्हू उर्फ आबा सोनवणे हा दि.१ सप्टेंबर २०२१ रोजी लमांजन बंधार्याजवळ सध्या गिरणा नदीला आलेल्या पुराच्या पाण्यात पडल्याची घटना बुधवारी दुपारी घडली त्यानंतर,काही नागरीकांनी गिरणा नदीच्या पाण्यात शोधकार्य केले असता प्रेत मिळून आले नाही.दुसर्या दिवशी गुरूवारी आबा चा मृतदेह दापोरी शिवारात आढळून आला.
त्याच्या पश्चात कुटुंबात आई,पत्नी व २लहान मुले आहेत.
या कुटुंबाची आर्थिक परीस्थिती अत्यंत हलाखिची असल्यामुळे घरातील कर्ता पुरूष सोडून गेल्याने हा परीवार निराधार झाला आहे.या परीवाराला आर्थिक मदत देण्यासाठी दानशूर व्यक्ती व सेवाभावी संस्थांनी पुढे यावे असे बोलले जात आहे.