विदर्भावर घोंगावतेय मंदौस चक्रीवादळ; हवामान विभागाचा अवकाळी पावसाचा इशारा

अमरावतीः डिसेंबरच्या महिन्यात विदर्भात कडाक्याची थंडी अनुभवायला मिळते मात्र सध्या संपूर्ण विदर्भावरच मंदौस चक्रीवादळाचे सावट आहे. चक्रीवादळामुळं विदर्भातील काही भागात तुरळक ठिकाणी पाऊस होणार असल्याची माहिती हवामान विभागाच्यावतीने देण्यात आली आहे.

विदर्भात सध्या संत्रा तोळीचा हंगाम सुरू असून वांगी, पालक, फुलगोबी, पत्ता गोबी या पालेभाज्या कापणीवर आले आहेत अशातच काही भागात हरभऱ्याची लागवड सुद्धा सुरू झाली आहे. तर काही शेतकऱ्यांची तूर फुलोराकडून भरलेल्या शेंगेच्या दिशेने जात आहे. अशातच हवामान खात्याने दिलेला हा तुरळक पावसाचा अंदाज शेतकऱ्यांची चिंता वाढवणार आहे. या पावसामुळे तुरीचे मोठे प्रमाणात नुकसान होऊ शकते. विशेष म्हणजे या वातावरणाने तुरीवर अळी पडण्याची शक्यता आहे. त्यासोबतच येणारा पाऊस हा कोरडवाहू क्षेत्रातील हरभरा उत्पादक शेतकऱ्यांच्या पथ्यावर पडणार आहे.

वाचाः मनसेचं मिशन कोकण! नववर्षात मुंबई-कोकणात राज ठाकरे घेणार तीन सभा

हवामान खात्याने दिलेल्या अंदाजानुसार

मंदौस चक्रीवादळ काल ठळक कमी दाबाचे क्षेत्राच्या रूपात उत्तर तामिळनाडूवर होते. आता या वादळाची दिशा बदलून नैऋत्य झाली आहे. त्यामुळे हे वादळ विदर्भाकडे येणार नाही. तरी सुद्धा विदर्भातील तुरळक ठिकाणी हलक्या मध्यम पावसाची शक्यता कायम आहे. आज सकाळपर्यंत हे वादळ आणखी कमजोर होण्याची शक्यता आहे. किमान तापमानात थोडी वाढ होईल, अशी माहिती हवामान तज्ञ अनिल बंडा यांनी दिली आहे.

वाचाः समृद्धीचे लोकार्पण ते मेट्रोला हिरवा कंदील, PM मोदी आज नागपुरात; विदर्भाला आणखी काय मिळणार?