नाही तर आम्ही ‘बांबू’ लावू’; ‘पठाण’ प्रदर्शित होताच मनसे आक्रमक,मल्टिप्लेक्स चालकांना थेट इशारा

By tejpolicetimes On Jan 25, 2023

मुंबई: बॉलिवूडच्या किंग खानचा अर्थात शाहरुख खानचा बहुचर्चीत आणि बहुप्रतिक्षीत ‘पठाण’ हा चित्रपट आज प्रदर्शित झालाय. वाद-विवाद, विरोध, टीका, बॉयकॉट या सगळ्यांना मात देत शाहरुखच्या या चित्रपटानं पहिल्या दिवशी धुमाकूळ घातला आहे. पण या चित्रपटांमुळं मराठी चित्रपटांच्या शोजला कात्री लावण्यात आल्याचं दिसून आलं. त्यामुळं आता मराठी चित्रपट विरुद्ध पठाण असं चित्र दिसत आहे. यावर आता मनसेचे चित्रपट सेनेचे अध्यक्ष अमेय खोपकर यांनी प्रतिक्रिया दिली आहे. त्यांनी मल्टिप्लेक्स चालकांना थेट इशारा दिला आहे.

पठाण आज प्रदर्शित झाला. त्यामुळं नवीन मराठी चित्रपटांना स्क्रिन्स आणि थिएटर मिळत नसल्याचं समोर आलं आहे. यावर आता अमेय खोपकर यांनी मल्टिप्लेक्स चालकांना मनसे स्टाइल दम दिला आहे.
पुणे-नाशिकमध्ये पोलीस बंदोबस्तात ‘पठाण’ प्रदर्शित; दीपिकाच्या भगव्या बिकिनीचा वाद अद्यापही चर्चेत
काही आठवड्यांपूर्वी प्रदर्शित झालेल्या वेड आणि वाळवी या चित्रपटांना प्रेक्षकांचा चांगला प्रतिसाद मिळाला होता. त्यामुळं यानंतर प्रदर्शित होणाऱ्या चित्रपटांकडूनही मोठ्या अपेक्षा होत्या. मात्र ‘बांबू’ आणि ‘पिकोलो’ या स्क्रिन्स मिळत नसल्यानं मराठी चित्रपट सृष्टीकडून नाराजी व्यक्त केली जात आहे.

शाहरुखचा पठाण ऑनलाइन लीक, निर्मात्यांना बसला मोठा फटका; HD प्रिन्टमध्ये इथे पाहत आहेत लोक
मनसेचे अमेय खोपकर यांनी या संदर्भात म्हटलं आहे की, शाहरुख पाच वर्षांनी कमबॅक करतोय, ही मोठी गोष्ट वगैरे असली म्हणून काय त्यासाठी मराठी चित्रपटांचा बळी द्यावा का? असं म्हणत खोपकर यांनी आक्रमक पवित्रा घेतला आहे.

पठाणला विरोध नाही पण,…
पठाणला विरोध नाही, पण मराठी चित्रपटांना त्यांच्या वाट्याचे स्क्रिन्स आणि थिएटर्स मिळायला हवेत, असंही खोपकर म्हणाले. मल्टीप्लेक्स चालकांनाही हे समजायला हवं, नाही तर आम्ही येऊन ‘बांबू’ लावू असा इशारा खोपकरांनी दिला आहे.

Source link