Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Thane Crime news | मकरसक्रांत जवळ येऊ लागताच मुंबईच्या आकाशात वेगवेगळ्या रंगाचे पतंग दिसू लागतात. पक्षी, प्राण्यांसह मनुष्याच्या जीवाला धोकादायक ठरणाऱ्या चिनी, प्लास्टिक आणि नायलॉन माजांच्या विक्रीला राज्य सरकारने बंदी घातली आहे. मात्र तरीही अशा जीवघेण्या मांजाची छुपी विक्री, वापर आणि साठवणूक केली जाते. या मांजाची विक्रीही सर्रास केली जाते. त्यामुळे दरवर्षी दुर्घटना घडतात.
हायलाइट्स:
- संजय हजारे हे त्यांच्या कुटुंबातील एकमेव कमावती व्यक्ती होते
- गळा कापला गेलेल्या अवस्थेत संजय हजारे रस्त्यावर पडून होते
संजय हजारे हे त्यांच्या कुटुंबातील एकमेव कमावती व्यक्ती होते. त्यांच्या अपघाती निधनामुळे हजारे यांची पत्नी, मुले आणि वृद्ध पालक निराधार झाले आहेत. भिवंडी उड्डाणपुलावर अपघात झाल्याचे समजताच पोलिसांनी तातडीने घटनास्थळाकडे धाव घेतली. गळा कापला गेलेल्या अवस्थेत रस्त्यावर पडलेल्या संजय हजारे यांना तातडीने इंदिरा गांधी रुग्णालयात दाखल करण्यात आले. याठिकाणी डॉक्टरांनी संजय हजारे यांना मृत घोषित केले. संजय हजारे यांचा गळा कापला गेल्यानंतर ते बराचवेळ रस्त्यावर पडून होते. या काळात मोठ्याप्रमाणावर रक्तस्त्राव झाल्याने आणि अन्य गंभीर दुखापतींमुळे हजारे यांचा मृत्यू झाल्याची माहिती डॉक्टरांच्या प्राथमिक अहवालातून समोर आली आहे.
शाळेतून घरी निघाली, दुचाकीवरुन येत असतानाच गळ्याभोवती मांजा फसला, ९ वर्षांच्या मुलीचा चिरला गळा
काही तासांपूर्वीच भिवंडी उड्डाणपुलावर दुर्घटना होता होता राहिली
पोलिसांनी याप्रकरणात अज्ञात व्यक्तींविरोधात गुन्हा दाखल केला आहे. चार ते पाच लहान मुले या परिसरात पतंग उडवीत होती. हजारे यांचा गळा कापला गेलेला मांजा त्यांच्याच पतंगाचा असावा, असा संशय पोलिसांनी बोलून दाखवला आहे. संजय हजारे यांच्या अपघातापूर्वी काही तास आधीच भिवंडी उड्डाणपुलावर ऋषी केशरवानी या बाईकस्वाराचा अपघात झाला होता. मात्र, त्यांना किरकोळ खरचटण्यापलीकडे कोणतीही दुखापत झाली नव्हती. केशरवानी यांनी दिलेल्या माहितीनुसार, ‘ ते भिवंडी उड्डाणपुलावरुन जात असताना त्यांच्या बाईकचा वेग कमी होता. तेव्हा त्यांच्याही गळ्यात नायलॉनचा मांजा अडकला. पण दुचाकीचा वेग कमी असल्याने त्यांनी गाडी वेळीच रोखली. त्यामुळे माझा जीव वाचला’, असे ऋषी केशरवानी यांनी सांगितले.
निष्पाप पाखरांवर ‘संक्रांत’; नाशिकमध्ये जखमी अकरांपैकी चार पक्ष्यांचा मृत्यू
बंदी असूनही नायलॉनचा मांजाचा मुक्तसंचार
मकरसक्रांतीचा सण असल्यामुळे पोलिसांनी पतंग उडवताना नायलॉनचा मांजा वापरण्यावर बंदी घातली होती. रविवारी रात्रीच भिवंडी पोलिसांनी प्रतिबंधित वस्तू विकणाऱ्या पाच दुकानदारांवर कारवाई केली होती. त्यांच्यावर कलम १८८ अंतर्गत गुन्हा दाखल करण्यात आला होता.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.