नेमकी असं काय झालं! ऐन लग्नाच्या बातमीत रामचरणच्या पत्नीने मागितली सिद्धार्थ- कियाराची माफी

चैन्नई- सिद्धार्थ मल्होत्रा आणि कियारा आडवाणी नुकतेच विवाहबंधनात अडकले. दोघांनी काल जैसलमेरच्या सूर्यगढ पॅलेसमध्ये लग्न केले. सिद्धार्थ आणि कियाराने लग्नानंतर काही तासांनी आपले फोटो सोशल मीडियावर शेअर केले. चाहते आणि सेलिब्रिटींनी दोघांवर शुभेच्छांचा वर्षाव करत असताना, राम चरणची पत्नी उपासना यांनी सोशल मीडियावर या जोडप्याची माफी मागितली आहे.

करण जोहरपासून ते कतरीना कैफ, विकी कौशल, आलिया भट्ट, वरुण धवन, सर्व सेलिब्रिटींनी सिद्धार्थ मल्होत्रा आणि कियारा आडवाणी यांना लग्नासाठी शुभेच्छा दिल्या. त्यांच्यासाठी खास पोस्ट शेअर केल्या. मात्र राम चरणची पत्नी उपासना कोनिडेलाने त्यांची माफी मागितली. सिद्धार्थ आणि कियाराने उपासना आणि राम चरण यांना लग्नासाठी आमंत्रित केले होते. पण काही कारणास्तव ते लग्नाला जाऊ शकले नाहीत.

अभिनंदनासोबतच उपासनाने माफी मागितली

उपासनाने सिद्धार्थ मल्होत्रा आणि कियारा आडवाणी यांची माफी मागितली. कियारा आणि सिद्धार्थने लग्नाची छोटीशी झलक म्हणून फोटो इन्स्टाग्रामवर शेअर केले. त्या फोटोंना त्यांनी कॅप्शन लिहिले की, ‘आता आमचं कायमचं बुकिंग झालं. आमच्या पुढील वाटचालीत आम्ही तुम्हा सर्वांचे प्रेम आणि आशीर्वाद मागतो.’ कियारा आणि सिद्धार्थच्या या पोस्टवर अनेक सेलिब्रिटींनी कमेंट केल्या. उपासना कोनिडेलानेदेखील एक सुंदर कमेंट केली. त्यांनी अभिनंदन करत जोडप्याची माफीही मागितली. कियाराच्या पोस्टवर उपासनाने लिहिले की, ‘खूप अभिनंदन. तुम्ही खूप सुंदर दिसत आहात. माफ करा आम्ही लग्नाला उपस्थित राहू शकलो नाही. तुम्हा दोघांना खूप खूप प्रेम.’ या कमेंटसह उपासनाने मिठी मारण्याचे इमोजीही शेअर केले.

मुंबईत १२ तारखेला तर दिल्लीत ९ फेब्रुवारीला लग्नाचे रिसेप्शन

सिद्धार्थ आणि कियारा गेल्या काही वर्षांपासून एकमेकांना डेट करत होते, मात्र त्यांनी आपले नाते खासगी ठेवले. आता सिद्धार्थ-कियारा विवाहित असून लग्नानंतर ती दिल्लीत आपल्या सासरच्या घरी जाणार आहे. मिळालेल्या माहितीनुसार दिल्लीतील मित्र आणि नातेवाईकांसाठी लग्नाचे रिसेप्शन ९ फेब्रुवारीला होणार आहे. यानंतर, सिद्धार्थ आणि कियारा १० फेब्रुवारीला मुंबईत परतल्यानंतर १२ तारखेला इंडस्ट्रीतील लोकांसाठी रिसेप्शन ठेवतील.