Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई: मराठमोळी युट्यूबर प्राजक्ता कोळी हिने आता सोशल मीडियाच नव्हे तर बॉलिवूडमध्येही स्वत:ची वेगळी ओळख निर्माण केली आहे. तिनं दहा लाख युट्यूब सबस्क्राइबर्सचा टप्पा गाठलाय. ‘मोस्टली सेन’ या तिच्या युट्यूब चॅनलमुळं तिला इंटरनेट सेन्सेशन म्हणून ओळखलं जातंय. भल्याभल्या टीव्ही स्टार्सना लोकप्रियतेच्या बाबतीत तिनं मागं टाकलंय. आता हे यश ती पाहत असली तरी यामागं प्रत्येकाच्या पालकांप्रमाणं तिच्या आई-वडिलांचीही तितकीच मेहनत आहे.
काय आहे प्राजक्ताची ही पोस्ट?
मी पाच वर्षाची असताना बाबा कॅडबरी कंपनीच्या कॅन्टीनमध्ये डबल शिफ्ट करायचे. आजही बाबा जेव्हा किचनमध्ये काम करत असतात तेव्हा आम्ही म्हणतो की, तुम्ही तर खूपच फास्ट आहात, तेव्हा ते म्हणतात की, ‘अगं, माझ्याकडं शांत बसायला वेळ नाही. खूप लोकांना खायला घालायचं आहे. कॅन्टीन कामगार आहे मी..’ मला चांगलं शिक्षण मिळावं, चांगलं खायला मिळावं, मला स्वप्नं पाहता यावीत, यासाठी आई-बाबांना कष्ट कराताना मी पाहिलंय. वाट्टेत त्या नोकऱ्या केल्या त्यांनी. पण बाबा कॅडबरी कंपनीत नोकरी करायचे तेव्हाचा काळ आमच्यासाठी खूप खास राहिल. प्रत्येक दिवाळीला कंपनीतून बोनससोबत मिळणारा चॉकलेट ट्रे…आजही तितकास खास वाटतो. बाबांच्या चेहऱ्यावर काल रात्री हसू पाहिलं. मला कॅडबरीच्या होर्डिंगवर पाहून आई-बाबांच्या चेहऱ्यावर वेगळाच आनंद पाहिलाय.त्यांचा हा आनंद नेहमीच खास असणार आहे.
अनुष्काच्या कमेंटनं वेधलं लक्ष
प्राजक्ताच्या या पोस्टवर अनेक बॉलिवूड सेलिब्रिटींनी कमेंट्स केल्यात. यात अनुष्काच्या कमेंटनं सगळ्याचं लक्ष वेधलं आहे. तिनं म्हटलंय की,तुमच्या यशाचा आनंद आणि कौतुक तुमच्या पालकांपेक्षा कोणीही करत नाही. तुम्ही स्वतःही नाही. तुझ्या आईवडिलांसाठी खूप प्रेम.