पुणेकर ओमकारला ब्रिटिश काऊन्सिलची फेलोशिप

व्हेनीस बिनालेमध्ये सहभागी होण्यासाठी मँचेस्टर मेट्रोपॉलिटन युनिव्हर्सिटीमध्ये फक्त दोन विद्यार्थी निवडले गेले आहेत. त्यामध्ये ओंकार हा एकमेव भारतीय आहे. ओमकारचे वडील हे भारतीय नौदलातून सेवानिवृत्त झाले आहेत. ओमकार आपल्या या यशाचे श्रेय आपल्या पालकांना देतो.

इटलीमधील व्हेनीस हे ऐतिहासिक शहर वैविध्यपूर्ण, रचनात्मक जुने वाडे / गड / किल्ले, त्यांच्या अनोख्या वास्तुरचना आणि वास्तूशिल्पांसाठी संपूर्ण जगात प्रसिद्ध आहे. याठिकाणी दर दोन वर्षांनी होणाऱ्या व्हेनीस बिनाले या वास्तुकला प्रदर्शनात सहभागी होण्यासाठी अनेकजण उत्सुक असतात. या प्रदर्शनात मांडलेल्या कलाकृती वास्तुकलेच्या दृष्टीने आगळ्यावेगळ्या असतात. या कलाकृतींमधून विद्यमान सामाजिक, मानवी व तांत्रिक रचनांचे काही भविष्यकालीन पर्याय व स्वरुप उलगडते असे मानले जाते.