कार चोरणाऱ्या आंतरराज्य टोळी पुणे ग्रामीण पोलिसांनच्या जाळ्यात

पुणे ग्रामीण,दि.२१:- शिरूर शहरातून स्विफ्ट व डिझायर कार चोरी गेलीं होती व एकूण पाच गुन्हे दाखल झाले होते.
आंतरराज्य टोळीचा पर्दाफाश करून चोरी गेलेल्या स्विफ्ट आणि डिझायर कार चेन्नई येथून जप्त करत ३० लाख रूपयांचा मुद्देमाल हस्तगत करण्यात पुणे ग्रामीण स्थानिक गुन्हे अन्वेषण विभागाला यश आल्याची माहिती वरिष्ठ पोलीस निरीक्षक अविनाश शिळीमकर यांनी दिली.
राजा कल्याण सुंदराम (रा. पावेदसराई मासई नगर, तांबरम चेन्नई), रविंद्रम गोपीनाथम (रा. नाॅर्थ पोलिस क्वाॅर्टर, वेल्लूर), यादवराज शक्तीवेल (रा. गांधी स्ट्रीट मुदीचूर तांबरम, चेन्नई) आणि आर सुधाकरण (रा. वेंडलूरू, कांचीपुरम चेन्नई) असे स्थानिक गुन्हे अन्वेषण विभागाने ताब्यात घेतलेल्यांचे आरोपींच नावे आहेत.याबाबत मिळालेल्या माहितीनुसार, मागील चार महिन्यात शिरूर येथुन स्विफ्ट, डिझायर कार चोरीचे पाच गुन्हे दाखल झाले होते. अचानक सुरू झालेल्या या कार चोरीच्या सत्रात, फक्त स्विफ्ट व डिझायर कार चोरी जात असल्याचे निदर्शनास आले. पुणे ग्रामीणचे पोलीस अधीक्षक अंकित गोयल यांनी हे गुन्हे उघडकीस आणण्याबाबत स्थानिक गुन्हे शाखा पुणे ग्रामीण यांना सुचना केल्या होत्या. स्थानिक गुन्हे शाखेचे पोलिस निरीक्षक शिळीमकर यांनी शिरूर विभागाच्या तपास पथकाला दाखल गुन्ह्यांचा सखोल तपास करण्यास सांगितले. चोरीस गेलेली वाहने ही अहमदनगर मार्गे छत्रपती संभाजीनगरकडे जात असल्याचे सीसीटीव्ही फुटेज तपासल्याने निष्पन्न झाले. चोरीच्या गाड्या कोणत्या राज्यात आहेत, याबाबत गोपनीय माहिती मिळविली असता चोरी गेलेली वाहने तामिळनाडु राज्यातील चेन्नई शहरात असल्याची माहिती मिळाली.या माहितीच्या आधारे शिरूर विभागाचे तपास पथक चैन्नई येथे पाठवून राजा कल्याण सुंदराम, रविंद्रम गोपीनाथम, यादवराज शक्तीवेल यांना ताब्यात घेवून एक डिझायर कार हस्तगत केली. त्यांचेकडे मिळून आलेली कार त्यांना आर सुधाकरण याने दिली होती. सुधाकरण याला शाहगढ जालना परीसरातून ताब्यात घेण्यात आले. त्याचेकडे तपास केला असता त्याने मागील चार महिन्यात एकूण दहा गाड्या खरेदी केल्या असल्याचे सांगितले. त्यास विश्वासात घेवून त्याचेमार्फत तीन चारचाकी वाहने हस्तगत करण्यात आली. यामध्ये ३० लाख रूपये किंमतीच्या चार कार असून त्यामध्ये दोन स्विफ्ट आणि दोन डिझायर कारचा समावेश आहे.
ही कारवाई पोलीस अधीक्षक अंकित गोयल, अप्पर पोलीस अधीक्षक मितेश घट्टे यांचे मार्गदर्शनाखाली स्थानिक गुन्हे शाखेचे पोलिस निरीक्षक अविनाश शिळीमकर, पोलिस उपनिरीक्षक गणेश जगदाळे, फौजदार तुषार पंदारे, पोलिस हवालदार दिपक साबळे, सचिन घाडगे, राजू मोमीन, जनार्दन शेळके, योगेश नागरगोजे, अजित भुजबळ, मंगेश थिगळे, पोलिस नाईक संदिप वारे, अमोल शेडगे, पोलिस नाईक मंगेश भगत, पोलिस जवान अक्षय नवले, अक्षय सुपे, दगडु विरकर यांनी केली.