मुंबईकरासाठी आनंदाची बातमी, Apple कंपनीचं देशातलं पहिलं रिटेल स्टोर बीकेसीत,पहिला फोटो आला समोर

नवी दिल्ली: Apple Store in Mumbai : जगप्रसिद्ध मोबाईल कंपनी Apple ने लवकरच भारतात आपलं पहिलं रिटेल स्टोअर उघडणार असल्याची माहिती दिली असून एक खास फोटो शेअर करत याबद्दलची पुष्टी केली आहे. अॅपलचं भारतातील हे पहिलं स्टोअर मुंबईच्या बीकेसी येथील जिओ वर्ल्ड ड्राइव्ह मॉलमध्ये सुरू होणार आहे. ज्याचं उद्घाटन लवकरच होणार असून मुंबईच्या अ‍ॅपल स्टोअरच्या भिंतींवर मुंबईच्या प्रसिद्ध काळ्या-पिवळ्या टॅक्सीवरुन प्रेरित पेंटिंग्ज साकारण्यात येणार आहेत.तर अॅपलचं हे मुंबईतील स्टोअरही न्यूयॉर्क, बीजिंग आणि सिंगापूरसारखं भव्य असणार आहे. त्यामुळे या अॅपल बीकेसी क्रिएटिव्हमध्ये एकाच छताखाली अॅपलची अनेक उत्पादनं आणि सेवा देखील ग्राहकांना उपलब्ध होणार आहेत. दरम्यान स्टोअरचे क्रिएटिव्ह “हॅलो मुंबई” या क्लासिक ऍपल ग्रीटिंगसह युजर्सचं स्वागत करणार आहे. रिलायन्स इंडस्ट्रीचा जिओ वर्ल्ड ड्राइव्ह मॉल 22,000 स्क्वेअर फूटमध्ये पसरला असल्याने हे अॅपल स्टोरही अगदी भव्य असणार आहे.
दरम्यान अॅपलच्या अधिकृत वेबसाइटवरील माहितीनुसार, ग्राहक त्यांच्या Apple डिव्हाइसेसची देवाणघेवाण करू शकणार आहेत. तसंच स्टोअरमध्ये पुढील खरेदीसाठी क्रेडिटची सुविधाही उपलब्ध असेल. याव्यतिरिक्त, त्यांना स्टोअरमधून उत्पादने खरेदी करण्यासाठी Apple Store गिफ्ट कार्ड मिळतील. तसंच याठिकाणी युजर्सनाा ‘जीनियस बार’ चा पर्याय देखील मिळणार आहे. ज्यामुळे तज्ज्ञांच्या सेवा आणि गायडन्स मिळू शकणार आहे. या स्टोअरमधून ऑर्डर करण्यासाठी वेबसाइटद्वारे देखील खरेदीदार ऑनलाइन ऑर्डर देऊ शकतील आणि स्टोअरमधून आपले प्रोडक्ट घेऊ शकतील.

वाचा: OnePlus Nord CE3 lite: भारीच! १०८ मेगापिक्सल कॅमेरा असणारा स्मार्टफोन तेही २० हजाराच्या आत

दिल्लीतही उभारणार रिटेल स्टोअर
मुंबईशिवाय दिल्लीतही अॅपल स्टोअर सुरू होणार आहे. Apple चे नवी दिल्लीतील स्टोअर 10,000-12,000 स्क्वेअर फूट मध्ये असेल. दिल्लीचे हे स्टोअर सिटीवॉक मॉल याठिकाणी असणार आहे. दरम्यान या स्टोअरचं लॉन्चिंग एप्रिल ते जून दरम्यान होण्याची शक्यता वर्तवली जात आहे.

वाचाः OnePlus 10R 5G च्या किंमतीत दुसऱ्यांदा कपात, फोन ७ हजारांनी स्वस्त, पाहा नवी किंमत