Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
म. टा. प्रतिनिधी, पुणे
सावित्रीबाई फुले पुणे विद्यापीठाच्या आगामी सत्र परीक्षांना येत्या सहा जूनपासून सुरुवात होणार असून, पहिल्या टप्प्यात पदवी आणि पदव्युत्तर अभ्यासक्रमांच्या अंतिम वर्षांच्या परीक्षा प्राधान्याने होणार आहेत. परीक्षा प्रक्रिया तातडीने पूर्ण होऊन निकाल जाहीर होण्यासाठी कला, वाणिज्य, विज्ञान अशा पारंपरिक अभ्यासक्रमाच्या पहिल्या वर्षासोबतच द्वितीय वर्षाच्या परीक्षांच्या नियोजनाची जबाबदारी महाविद्यालयांना देण्यात आली आहे. अभ्यासक्रमांच्या द्वितीय वर्षाच्या परीक्षांचे वेळापत्रक पुणे विद्यापीठाकडून प्रसिद्ध केल्यानंतर, महाविद्यालयांना मूल्यमापनाचे नियोजन करायचे आहे.
सावित्रीबाई फुले पुणे विद्यापीठाच्या आगामी सत्र परीक्षांना येत्या सहा जूनपासून सुरुवात होणार असून, पहिल्या टप्प्यात पदवी आणि पदव्युत्तर अभ्यासक्रमांच्या अंतिम वर्षांच्या परीक्षा प्राधान्याने होणार आहेत. परीक्षा प्रक्रिया तातडीने पूर्ण होऊन निकाल जाहीर होण्यासाठी कला, वाणिज्य, विज्ञान अशा पारंपरिक अभ्यासक्रमाच्या पहिल्या वर्षासोबतच द्वितीय वर्षाच्या परीक्षांच्या नियोजनाची जबाबदारी महाविद्यालयांना देण्यात आली आहे. अभ्यासक्रमांच्या द्वितीय वर्षाच्या परीक्षांचे वेळापत्रक पुणे विद्यापीठाकडून प्रसिद्ध केल्यानंतर, महाविद्यालयांना मूल्यमापनाचे नियोजन करायचे आहे.
पुणे विद्यापीठाने आगामी शैक्षणिक वर्षाची सुरुवात ऑगस्ट महिन्यात सुरू करण्याचा निर्णय घेतला. या दृष्टीने परीक्षा लवकर होऊन, निकाल प्रसिद्ध करणे गरजेचे आहेत. त्यासाठी विद्यापीठाने डॉ. मनोहर चासकर आणि डॉ. विजय खरे यांची समिती नेमली होती. या समितीने विद्यापीठ प्रशासनाकडे अहवाल दिल्यानंतर, विद्यापीठाच्या परीक्षा मंडळाने सत्र परीक्षांबाबत निर्णय प्रसिद्ध केला आहे.
त्यानुसार पदविका, पदवी आणि पदव्युत्तर अभ्यासक्रमांच्या लेखी परीक्षांना सहा जूनपासून सुरुवात होणार आहे, तर प्रात्यक्षिक परीक्षा दोन ते ३० मे या कालावधीत पूर्ण होणार आहेत. या परीक्षांचे वेळापत्रक विद्यापीठाच्या वेबसाइटवर प्रसिद्ध करण्यात येणार आहे, असे परिपत्रकात नमूद केले आहे.
सत्र परीक्षांना सहा जूनला सुरुवात झाल्यानंतर पदवी आणि पदव्युत्तर अभ्यासक्रमांच्या अंतिम वर्षाच्या परीक्षा सुरुवातीच्या टप्प्यात होतील. त्यानंतर पहिल्या आणि द्वितीय सत्राच्या परीक्षा होणार आहेत. या परीक्षेत विषय़निहाय परीक्षा झाल्यानंतर, तातडीने पेपर तपासणीच्या कामाला सुरुवात होणार आहे.
पेपर तपासणीची प्रक्रिया कमी वेळेत पूर्ण होण्यासाठी संबंधित महाविद्यालयाच केंद्रीय मूल्यमापन प्रकल्प केंद्राचा (कॅप) दर्जा देण्यात आला आहे. अभ्यासक्रमाचे अंतिम वर्ष महत्त्वाचे असल्य़ाने, मूल्यमापनाची प्रक्रिया ही पूर्णपणे विद्यापीठ स्तरावर होईल. प्रथम वर्षाच्या संपूर्ण परीक्षांची जबाबदारी महाविद्यालयांकडे असल्याने, महाविद्यालयांनी परीक्षांचे नियोजन करणे ते अंतर्गत गुण भरण्याची कामे ३० जूनपूर्वी करायची आहेत. त्याचप्रमाणे व्यावसायिक अभ्यासक्रमांच्या परीक्षा व निकाल प्रक्रिया वेळेत पूर्ण होत असल्याने, प्रक्रियेत कोणताही बदल करण्यात आलेला नाही.
सावित्रीबाई फुले पुणे विद्यापीठाने आगामी शैक्षणिक वर्ष ऑगस्ट महिन्यात सुरू करण्याच्या उद्देशाने सत्र परीक्षांचे नियोजन केले आहे. त्यामुळे विद्यार्थ्यांनी आता वेळ वाया न घालवता तयारीला सुरुवात करावी. त्यासाठी सर्वप्रथम परीक्षांचे अर्ज भरावेत. हे अर्ज महाविद्यालयाकडून विद्यापीठाकडे येतील, याची काळजी घ्यावी. यंदा अर्ज भरण्याला मुदतवाढ मिळणार नसल्याने, विद्यार्थी आणि पालकांनी ही प्रक्रिया तातडीने पूर्ण करावी.
– डॉ. महेश काकडे, संचालक, परीक्षा आणि मूल्यमापन मंडळ, सावित्रीबाई फुले पुणे विद्यापीठ
सत्र परीक्षेच्या नियोजन करतांना ९० दिवसांचा शैक्षणिक कालावधी पूर्ण होत आहे, याची काळजी घेण्यात आली आहे. द्वितीय वर्षाच्या रेंगाळणाऱ्या परीक्षांचा कालावधी कमी करण्यात आला आहे. त्याचप्रमाणे द्वितीय वर्षाच्या परीक्षांचे मूल्यमापन महाविद्यालय स्तरावर होणार आहे. त्यामुळे परीक्षा लवकर संपून, निकाल वेळेत प्रसिद्ध होईल. या नियोजनामुळे आगामी शैक्षणिक वर्ष ऑगस्टमध्ये सुरू होईल.
– डॉ. मनोहर चासकर, अधिष्ठाता, विज्ञान व तंत्रज्ञान विद्याशाखा, सावित्रीबाई फुले पुणे विद्यापीठ