Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई- सर्व विरोध आणि वादांदरम्यान, अदा शर्मा स्टारर ‘द केरळ स्टोरी’ बॉक्स ऑफिसवर धुमाकूळ घालत आहे. चित्रपट प्रदर्शित होण्याआधीच त्याच्या कथेवरून देशाच्या विविध भागात गदारोळ सुरू आहे. तमिळनाडूमध्ये चित्रपटाच्या प्रीमिअरवर बंदी घालण्याची चर्चा असतानाच पश्चिम बंगालमध्ये चित्रपटावर थेट बंदी घालण्यात आली आहे. तर मध्य प्रदेश आणि उत्तर प्रदेश सरकारने हा चित्रपट राज्यात करमुक्त केला आहे. सोमवारी या सिनेमाने किती बॉक्स ऑफिस कलेक्शन केलं ते जाणून घेऊ.बॉक्स ऑफिस इंडियाच्या अहवालानुसार, ‘द केरळ स्टोरी’ या चित्रपटाने पहिल्या वीकेंडला तीन दिवसांत एकूण ३३.३५ कोटी रुपयांची कमाई केली आहे. जिथे चित्रपटाची ओपनिंग जवळपास ६.७५ कोटी रुपये होती, तिथे शनिवारी दुसऱ्या दिवशी बॉक्स ऑफिसच्या कमाईत झेप घेतली. शनिवारी या चित्रपटाने १०.५०0 कोटींची कमाई केली. त्याचवेळी देशभरात चित्रपटावर होत असलेला विरोध बॉक्स ऑफिसवर दिसला नाही.
तिसर्या दिवशीही चित्रपटाने मोठी कमाई केली. रविवारी ‘द केरळ स्टोरी’ने बॉक्स ऑफिसवर १६ कोटी रुपयांची कमाई केली. आता निर्मात्यांच्या नजरा चौथ्या दिवसाच्या कमाईवर होत्या, म्हणजे सोमवार आणि आठवड्याच्या सुरुवातीचा दिवस सिनेमासाठी फार महत्त्वाचा होता. सुदीप्तो सेन दिग्दर्शित या चित्रपटाने सोमवारी चौथ्या दिवशी वीकेंडसारखीच कमाई केली.
तिसर्या दिवशीही चित्रपटाने मोठी कमाई केली. रविवारी ‘द केरळ स्टोरी’ने बॉक्स ऑफिसवर १६ कोटी रुपयांची कमाई केली. आता निर्मात्यांच्या नजरा चौथ्या दिवसाच्या कमाईवर होत्या, म्हणजे सोमवार आणि आठवड्याच्या सुरुवातीचा दिवस सिनेमासाठी फार महत्त्वाचा होता. सुदीप्तो सेन दिग्दर्शित या चित्रपटाने सोमवारी चौथ्या दिवशी वीकेंडसारखीच कमाई केली.
सोमवारची कमाईही दोन अंकीच झाली
सोमवारची कमाई शनिवारच्या कमाईच्या जवळपास होती. sacnilk च्या अहवालानुसार, चित्रपटाने १०.५० कोटींची कमाई केली आहे आणि शनिवारीही जवळपास हाच आकडा राहिला. म्हणजेच चित्रपटाने चार दिवसांत एकूण ४३.८५ कोटींची कमाई केली आहे. छोट्या स्टार्ससह सुमारे ४० कोटींच्या बजेटमध्ये बनलेला हा चित्रपट सध्या देशातील एक महत्त्वाचा मुद्दा झाला आहे. हा चित्रपट देशभरात जवळपास १ हजार ३०० स्क्रीन्सवर प्रदर्शित झाला आहे.
| दिवस | तारीख | कमाई |
| पहिला दिवस | ५ मे २०२३ | ०८.०० कोटी |
| दुसरा दिवस | ०६ मे २०२३ | १०.५० कोटी |
| तिसरा दिवस | ०७ मे २०२३ | १६.५० कोटी |
| चौथा दिवस | ०८ मे २०२३ | १०.५० कोटी |
पंतप्रधान नरेंद्र मोदी यांनी केलं समर्थन
या चित्रपटाबाबत अनेक ठिकाणी गदारोळ होत असतानाच अनेक भागातून या चित्रपटाचे कौतुकही होत आहे. पंतप्रधान मोदींनीही या चित्रपटाचं समर्थन केलं आहे. ‘द केरळ स्टोरी’ या चित्रपटाचे नाव त्यांनी त्यांच्याच शब्दात ‘केरळ फाइल्स’ असे ठेवले आहे. अलीकडेच एका जाहीर सभेला संबोधित करताना ते म्हणाले की, ”द केरळ स्टोरी’ हा चित्रपट दहशतवादी कटावर आधारित आहे. या चित्रपटात दहशतवादाचे कुरूप सत्य दाखवण्यात आले आहे.’
धर्म परिवर्तनावर आधारित ‘द केरल स्टोरी’ प्रेक्षकांच्या पसंतीस उतरला?