ChatGPT चे क्रिएटर सॅम ऑल्टमन यांनी घेतली PM मोदींची भेट, AI संबधित विषयांवर झाली खास चर्चा

By tejpolicetimes On Jun 9, 2023

नवी दिल्ली:Sam altman in India : भविष्य हे AI अर्थात आर्टिफिशिअल इंटेलिजन्सचं असणार आहे, हीच चर्चा सर्वत्र होत आहे. त्यात OpenAI कंपनीचा चॅटबॉट ChatGPT सर्वाधिक चर्चेत असून त्याचा क्रिएटर सॅम ऑल्टमन भारतात आला आहे. यादरम्यान त्यांनी पंतप्रधान नरेंद्र मोदी यांची भेट घेतली. या बैठकीत भारतातील AI चे भविष्य आणि त्यातील समस्यांवर चर्चा करण्यात आली असून सॅम यांनी त्यांच्या भेटीची माहिती ट्वीटरवर देत एक फोटोही शेअर केला आहे. सॅम यांनी आयआयआयटी दिल्ली येथे आयोजित डिजिटल इंडिया संवाद कार्यक्रमात झालेल्या संभाषणाची ही माहिती दिली आहे. त्यांनी सांगितले की, पंतप्रधान नरेंद्र मोदी यांच्यासोबतची भेट चांगली होती. आर्टिफिशियल इंटेलिजन्सबाबत पंतप्रधानांनी उत्साह तसंच चिंता देखील व्यक्त केली आहे. सॅम यांनी या बैठकीबद्दल समाधान व्यक्त केले.

तर OpenAI च्या सॅम यांनी पंतप्रधानांच्या AI बद्दलच्या उत्साहाची आणि काळजीची प्रशंसा केली. सॅम यांनी त्यांच्या ट्विटर हँडलवर पंतप्रधानांसोबतच्या भेटीचा फोटो शेअर केला आहे. याला कॅप्शनमध्ये लिहिले की, पंतप्रधान नरेंद्र मोदी यांच्याशी भारताच्या टेक इकोसिस्टमवर विशेष बातचीत आणि एआयचा देशाला कसा फायदा होईल यावरही चर्चा झाली.
काय आहे ChatGPT?
बदलत्या युगात सारंकाही डिजीटल होत असून आता आपली बहुतांश काम ही ऑनलाईनच होत असतात. सर्व कामं ऑनलाईन होत असताना OpenAI कंपनीने चॅट जीपीटी (Chatgpt) हे AI म्हणजेच आर्टिफिशिअल इंटेलिजन्स लॉन्च केले आहे. हे एक AI चॅटबॉट आहे. थोडक्यात Chatgpt काय तर एक असं तंत्रज्ञान आहे, ज्याच्याकडे जगातील बऱ्याच गोष्टींचा डेटा आहे, त्यामुळे याला तुम्ही हवी ती कमांड देऊन हवी ती माहिती मिळवू शकता. म्हणजेच कोणत्याही प्रकारची माहिती एखादं ऑनलाईन टास्क Chatgpt तुमच्यासाठी करणा आहे.

वाचा : Meta Verified: आता ६९९ रुपये देऊन इन्स्टाग्रामसह फेसबुकही होणार वेरिफायड, मेटा वेरिफायड भारतात लाँच

Source link

ai ChatGPT PM Modi sam althman met modi sam altman sam altman in india पीएम मोदी सॅम ऑल्टमन