Virus Attack : ‘या’ अँन्ड्रॉईड अ‍ॅप्समध्ये आढळला धोकादायक Anatsa ट्रोजन, ६०० हून अधिक बँकिंग अ‍ॅप्सही धोक्यात

नवी दिल्ली : Android Apps in Danger : जर तुम्हीही अँड्रॉइड युजर असाल तर ही बातमी तुमच्यासाठी फार महत्त्वाची आहे. कारण एक धोकादायक असा अँड्रॉइड बँकिंग ट्रोजन सापडला आहे. जो अनेक देशांमधील युजर्सची आर्थिक माहिती चोरत आहे. या ट्रोजनचे नाव Anatsa असे असून ते खूपच धोकादायक आहे. दोन वर्षांपूर्वी हा Anatsa ट्रोजन आढळला होता. आता पुन्हा काही अ‍ॅप्समध्ये हा आढळला असून हजारो लोकांनी हे अ‍ॅप्सही डाउनलोड केले आहेत. समोर येणाऱ्या माहितीनुसार, या बँकिंग ट्रोजनने अनेक देशांमधील सुमारे ६०० बँकिंग अ‍ॅप्सना लक्ष्य केले आहे. यातील बऱ्यापैकी अ‍ॅप्स हे गुगलने प्लेस्टोअरवरुन हटवले असून कोणी याला डाऊनलोड करु नये तसेच केलं असल्यास डिलीट करावं असंही सांगितलं केलं आहे.
तर सिक्युरिटी फर्म ThreatFabric ने Anatsa banking trojan बद्दल माहिती दिली आहे, या ट्रोजनने Play Store वर काही ऍप्लिकेशन्स संक्रमित केले आहेत. काही PDF रिडर, एडिटरही यामुळे संक्रमित झाले आहेत. तर खालील अ‍ॅप्समध्ये ट्रोजन आढळला आहे.

या अ‍ॅप्समध्ये आढळला ट्रोजन
PDF Reader – Edit & View PDF
PDF Reader & Editor
PDF Reader & Editor
All Document Reader & Editor
All Document Reader and Viewer

या देशांच्या वापरकर्त्यांना लक्ष्य केले
फर्मच्या म्हणण्यानुसार, बँकिंग ट्रोजन यूएसमधील कॅपिटल वन आणि जेपी मॉर्गन मोबाईल अ‍ॅप्स तसेच ऑस्ट्रेलिया, फ्रान्स, जर्मनी, इटली, यूके, दक्षिण कोरिया, मधील बँकिंग अ‍ॅप्ससह अनेक देशांमधील अंदाजे ६०० बँकिंग अ‍ॅप्सला लक्ष्य करेल. स्वीडन आणि स्वित्झर्लंड. जेव्हा वापरकर्ते त्यांचे बँकिंग अ‍ॅप उघडण्याचा प्रयत्न करतात तेव्हा ते त्यांच्या स्क्रीनवर एक फिशिंग पेज दिसते. दरम्यान ज्या वापरकर्त्यांनीहा ट्रोजन असलेले हे अ‍ॅप्स इन्स्टॉल केले आहेत त्यांना त्यांच्या स्मार्टफोनमधून हे अ‍ॅप्स मॅन्युअली अनइंस्टॉल करावे लागतील. सिक्युरिटी फर्मच्या म्हणण्यानुसार हे अ‍ॅप्स आधीच प्ले स्टोअरमधून काढून टाकण्यात आले आहेत.

वाचा : AC मुळे लाईट बिल खूप येतंय? ‘या’ ५ टिप्स फॉलो केल्यास वाचेल वीज आणि कमी येईल वीजबिल