Apple ने बंद केले हे ‘६’ अ‍ॅप्स! तुम्हीही आताच डिलीट करा नाहीतर…

By tejpolicetimes On Jul 8, 2023

नवी दिल्ली : Apple Removes 6 Loan Apps : अ‍ॅपलने आपल्या अ‍ॅप स्टोअरमधून ६ धोकादायक अ‍ॅप नुकतेच काढून टाकले आहेत. हे काढून टाकण्यात आलेले सर्व अ‍ॅप्स हे कर्ज देणारे म्हणजेच Loan Apps आहेत. म्हणजे हे सर्व अ‍ॅप वापरकर्त्यांना ऑनलाइन कर्ज देण्यासाठी वापरले जातात. या कर्जाच्या बदल्यात ग्राहकांकडून भरमसाठ व्याज आकारले जात होते. यासोबतच कर्जवसुलीसाठी चुकीच्या पद्धतींचा अवलंब करण्यात आला. केंद्र सरकारने असे कर्ज देणारे अ‍ॅप बंद करण्याची सूचना दिली होती.

रिपोर्ट्सचा विचार केला तर, व्हाईट कॅश, पॉकेट कॅश आणि गोल्डन कॅश सारख्या काही कर्ज देणार्‍या अ‍ॅप्सवर वापरकर्त्यांच्या डेटाचा गैरवापर केल्याचा आरोप होता. तसेच, अ‍ॅप्स अनावश्यक शुल्क आकारण्याबरोबरच जास्त प्रक्रिया शुल्क आकारत होते. याशिवाय ते वापरकर्त्यांना जास्त व्याजदराने कर्ज देत असल्याचंही समोर येत होतं.

गुगलने आधीच केली आहे कारवाई
Apple ने सांगितले की काही लोन अ‍ॅप्स हे Apppl Store वरून काढून टाकण्यात आले कारण ते अ‍ॅपल डेव्हलपर प्रोग्राम परवाना करार आणि मार्गदर्शक तत्त्वांचे उल्लंघन करत होते. याआधी २०२२ मध्ये अ‍ॅप स्टोअरने $2 बिलियन पेक्षा जास्त किमतीचे फेक कर्ज देणारे अ‍ॅप बंद केले होते. तसेच, सुमारे ४२८,००० डेव्हलपर्स खाती बंद करण्यात आली. या वर्षाच्या सुरुवातीला, Google ने एप्रिलमध्ये अ‍ॅप स्टोअर नियमांचे उल्लंघन केल्याबद्दल भारतातील प्ले स्टोअरवरून ३,५०० हून अधिक वैयक्तिक कर्ज अ‍ॅप्स काढून टाकले.

तुम्हीही लगेचच फोनवरून काढून टाका ‘हे’ अ‍ॅप्स
तुमच्या स्मार्टफोनमध्ये व्हाईट कॅश, पॉकेट कॅश आणि गोल्डन कॅश अ‍ॅप्स हे अ‍ॅप्स असतील तर ते लगेचच काढून टाका. अन्यथा असे अ‍ॅप्स तुमची खाजगी माहिती चोरुन तुमचे नुकसान करू शकतात.

वाचा : Google Maps : ड्रायव्हिंग करताना गुगल मॅप वापरता? ‘हे’ पाच फीचर्स वापरा, पैसे आणि वेळ दोन्ही वाचेल

Source link