खिशाला परवडणाऱ्या दारात १२जीबी रॅमची ताकद; इतकी आहे Vivo Y77t ची किंमत

By tejpolicetimes On Aug 18, 2023

विवो सतत आपल्या वाय-सीरीजचा विस्तार करत आहे. कंपनीच्या ह्या बजेट फ्रेंडली सीरिजमध्ये Vivo Y78+ (T1) स्मार्टफोन लाँच झाल्याची बातमी कालच आली होती, तर आता कंपनी Vivo Y77t घेऊन आला आहे. ह्या स्मार्टफोनची खासियत म्हणजे १२जीबी रॅम, डायमेन्सिटी ७०२० चिपसेट आणि ५० मेगापिक्सलचा कॅमेरा आहे. चला जाणून घेऊया विवो वाय७७टी स्मार्टफोनची किंमत आणि स्पेसिफिकेशन्स.

Vivo Y77t ची किंमत

Vivo Y77t स्मार्टफोन सध्या चीनमध्ये लाँच झाला आहे, जो लवकरच भारतीयांच्या भेटीला येऊ शकतो. कंपनीनं हा फोन दोन स्टोरेज मॉडेल्समध्ये लाँच केला आहे. ह्याच्या ८जीबी रॅम व १२८जीबी स्टोरेज मॉडेलची किंमत १,३९९ चायनीज युआन म्हणजे सुमारे १६,००० रुपये आहे. तर १२जीबी रॅम व २५६जीबी स्टोरेज व्हेरिएंटची किंमत १,५९९ चायनीज युआन म्हणजे सुमारे १८,२५० रुपये आहे. हा विवो फोन ब्लॅक, ब्लू आणि गोल्डन सारख्या तीन कलर ऑप्शनमध्ये विकत घेता येईल.

वाचा: iPhone 15 मध्ये 35W फास्ट चार्जसह type C पोर्टही असणार? समोर आली महत्त्वाची माहिती

Vivo Y77t चे स्पेसिफिकेशन्स

Vivo Y77t मध्ये फुल एचडी+ रिजॉल्यूशनसह ६.६४ इंचाचा आयपीएस एलसीडी डिस्प्ले देण्यात आला आहे. जो १२०हर्ट्झ रिफ्रेश रेट, २४०हर्ट्झ टच सॅम्पलिंग रेट आणि पंच-होल डिजाइन मिळते. स्मार्टफोन अँड्रॉइड १३ वर आधारित ओरिजिन ओएस ३ वर चालतो.

स्मार्टफोनमध्ये ऑक्टा-कोर मीडियाटेक डायमेन्सिटी ७०२० प्रोसेसर आहे. जो ६नॅनोमीटर प्रोसेसवर चालतो. ह्यात २.२गिगाहर्ट्झ हाय क्लॉक स्पीड मिळतो. स्मार्टफोनमध्ये १२जीबी एलपीडीडीआर४एक्स रॅम + २५६जीबी यूएफएस २.२ स्टोरेज मिळते.

वाचा: SIM Card खरेदीसाठी पोलीस व्हेरिफिकेशन आवश्यक; उल्लंघन केल्यास १० लाखांचा दंड

Vivo Y77t स्मार्टफोन एलईडी फ्लॅशसह ड्युअल रियर कॅमेरा सेटअपसह येतो. ज्यात ५० मेगापिक्सलची प्रायमरी कॅमेरा लेन्स आणि २ मेगापिक्सलचा डेप्थ सेन्सर आहे. सेल्फी आणि व्हिडीओ कॉलिंगसाठी ८ मेगापिक्सलचा कॅमेरा आहे.

हा फोन ५०००एमएएचच्या बॅटरीसह बाजारात आला आहे, जी ४४वॉट फास्ट चार्जिंग टेक्नॉलॉजीला सपोर्ट करते. फोनमध्ये ड्युअल सिम ५जी, ४जी व्हीओएलटीई, वाय-फाय ६, ब्लूटूथ ५.२, यूएसबी टाइप-सी, ३.५ मिमी ऑडियो जॅक आणि फिंगर प्रिंट सेन्सरची सुविधा आहे.

Source link