Pola 2023: पोळा सण कधी आहे? जाणून घेऊया तारीख, सण साजरा करण्याची पद्धत आणि महत्व

By tejpolicetimes Last updated Sep 8, 2023

श्रावण महिना आता शेवटच्या टप्यावर असून, पोळा हा श्रावण महिन्यातला शेवटचा सण असतो. आपला देश कृशीप्रधान असून, शेतकऱ्यांशिवाय आपल्याला अन्नाचा एक कणही मिळणार नाही आणि या शेतकऱ्यांचा लाडका मित्र किंवा सखा म्हणजे बैल ज्याच्यामुळे शेतातील पिक पिकवायला आपल्या बळीराजाला मोठा हातभार लागतो. पोळा सण महाराष्ट्रात मोठ्या उत्साहात साजरा केला जातो. हा दिवस बैलांप्रती कृतज्ञता व्यक्त करण्याचा दिवस आहे.

अमावस्या प्रारंभ आणि समाप्ती

श्रावण अमावस्या प्रारंभ गुरुवार १४ सप्टेंबर रोजी पहाटे ४ वाजून ५० मिनिटांनी सुरू होईल तर श्रावण अमावस्या समाप्ती शुक्रवार १५ सप्टेंबर रोजी सायंकाळी ७ वाजून १० मिनिटांनी होईल. अशात बैलपोळा सण या वर्षी १४ सप्टेंबर गुरुवार रोजी साजरा करण्यात येईल.

Diwali 2023: दिवाळी कधी आहे? जाणून घेऊया तारीख आणि पूजेचा शुभ मुहूर्त

बैलपोळ्याचे महत्व

श्रावणी अमावास्येच्या दिवशी शेतकरीवर्ग पोळा हा सण मोठ्या उत्साहाने साजरा करतो. प्रदेशपरत्वे हा सण आषाढ महिन्यात मूळ नक्षत्र असलेल्या दिवशी किंवा श्रावण अथवा भाद्रपद महिन्याच्या अमावास्येला साजरा करतात. महाराष्ट्रासह अनेक राज्यांमध्ये हा सण साजरा केला जातो. मात्र, परंपरा आणि मान्यतांनुसार, तिथी आणि वेळा भिन्न असतात. या सणाचे शेतकरीवर्गात विशेष महत्त्व आहे. बैलांप्रती कृतज्ञता व्यक्त करण्यासाठी या दिवशी बैलांना गोडधोड नैवेद्य खाऊ घालून सण साजरा करण्याची परंपरा आहे.

Hartalika Tritiya 2023: हरतालिका कधी आहे? जाणून घ्या व्रताची तिथी मुहूर्त महत्व आणि नियम

पोळा सण कसा साजरा करतात

पोळा सणाच्या आदल्या दिवशी बैलांना आवतण देण्यात येते. ओढा वा नदीवर नेऊन त्यांना आंघोळ घालतात. या दिवशी बैलाच्या खांद्याला हळद व तुपाने शेकतात. त्यांच्या पाठीवर नक्षीकाम केलेली झूल, सर्वांगावर गेरूचे ठिपके, शिंगांना बेगड, डोक्याला बाशिंग, गळ्यात कवड्या व घुंगरांच्या माळा, नवी वेसण, नवा कासरा पायात चांदीचे वा करदोड्याचे तोडे घालतात. गोड पुरणपोळी व सुग्रास अन्नाचा नैवेद्य दाखवतात.

या दिवशी महाराष्ट्रातील खेड्यांमधल्या प्रत्येक घराला आंब्याच्या पानांचे तोरण बांधले जाते. गावातल्या सर्व बैलजोड्या, वाजंत्री, सनई, ढोल, ताशे वाजवत एकत्र आणल्या जातात. या वेळेस ‘झडत्या’ म्हणजेच पोळा सणाची गीते म्हणायची पद्धत आहे. शेतकरी वर्गात हा सण विशेष महत्त्वाचा मानला गेल्याने तो उत्साहाने साजरा करण्यात येतो. आपआपल्या बैलांची गावभर मिरवणूक काढून, प्रत्येक घरी त्यांची पूजा करवून, त्यांना पुरणपोळीचा नैवेद्य खाऊ घालून शेतकरीवर्ग हा सण साजरा करतात. तर प्रत्येक घरी मातीच्या बैलांची पूजा करून, आपल्या दारी आलेल्या बैलांची पूजा करून त्यांना पुरणपोळीचा नैवेद्या खाऊ घालून हा दिवस उत्साहात साजरा करण्यात येतो.

Ganesh Chaturthi 2023 Date: तुमच्या गणपतीच्या मुर्तीचं बुकींग झालं का? या तारखेला येणार बाप्पा घरोघरी

Source link