कृषी विज्ञान केंद्रात दहावी पास ते पदवी धारकांसाठी भरती; सातव्या वेतन आयोगाच्या नियमानुसार मिळणार भरघोस पगार

By tejpolicetimes On Nov 6, 2023

KVK Recruitment : कृषी विज्ञान केंद्र, सोलापूर येथे विविध पदांसाठी भरतीची नवीन जाहिरात प्रकाशित करण्यात आलेली असून, या भरती प्रक्रियेसाठी फक्त १०वी पास उमेदवार देखील अर्ज करू शकणार आहेत. कृषी विज्ञान केंद्रातील विविध पदांच्या भरतीसाठी इच्छुक व पात्र उमेदवारांनी सविस्तर जाहिरात वाचून पात्रता व अटींची पूर्तता करत असल्यास अर्ज खाली दिलेल्या पत्त्यावर ऑफलाइन पद्धतीने दिलेल्या तारखेपर्यंत सादर करायचे आहेत.

पदभरतीचा तपशील :

प्रोग्रामर असिस्टंट-लॅब टेक्निशिअन (Program Technician – Lab Assistant : १ जागा

असिस्टंट (Assistant) : १ जागा

ड्रायवर (Driver) : १ जागा

(वाचा : IOCL Recruitment 2023 : इंडियन ऑइलमध्ये १७६० जागांवर महाभरती; दहावी, बारावी आणि आयटीआय पास उमेदवारांसाठी सुवर्णसंधी)या भरती प्रक्रियेसाठी उमेदवाराला पगार पदानुसार कमीत-कमी ९ हजार ३०० ते जास्तीत-जास्त ३४ हजार ८०० पर्यंत दिला जाणार आहे. तसेच, यासाठी नोकरीचे ठिकाण सोलापूर असून उमेदवारांनी जाहिरात प्रसिद्ध झाल्याच्या ३० दिवसांच्या आत अर्ज ऑफलाइन पद्धतीने अध्यक्ष, शबरी कृषी प्रतिष्ठान, कृषी विज्ञान केंद्र, सोलापूर-I, मु. खेड, पोस्ट- केगाव, ता. उत्तर सोलापूर, जिल्हा: सोलापूर ४१३ २५५ या पत्त्यावर सादर करायचे आहेत.

या भरती प्रक्रियेसाठी उमेदवाराचे वय कमीत-कमी १८ वर्षे व जास्तीत जास्त ३० वर्षे असणे आवश्यक आहे. या भरतीमध्ये SC / ST प्रवर्गातील उमेदवारांना ५ वर्ष तर OBC प्रवर्गातील उमेदवारांना ३ वर्षाची शिथिलता देण्यात आलेली आहे.

Krishi Vigyan Kendra, Solapur-1(MS) मधील भरतीमध्ये परीक्षा शुल्क ५०० रुपये असून एससी / एसटी,महिला यांना कोणत्याही प्रकारचे अर्ज शुल्क भरावे लागणार नाही.

ही भरती कार्यक्रम सहाय्यक, सहाय्यक व वाहन चालक या पदांवर होणार असून, यासाठी अर्ज करणार्‍या उमेदवारने कमीत-कमी मान्यता प्राप्त मंडळाकडून दहावी उत्तीर्ण असणे आवश्यकआहे. उमेदवारकडे विहित सरकारी प्राधिकरणाकडून वैध आणि योग्य ड्रायव्हिंग लायसन्स असणे देखील आवश्यक आहे. तसेच उमेदवार मान्यताप्राप्त विद्यापीठातून कृषी किंवा विज्ञान / सामाजिक शास्त्राच्या इतर कोणत्याही शाखेतील बॅचलर पदवी / शेतीशी संबंधित किंवा समतुल्य पात्रता धारक असावा.

उमेदवारांसाठी महत्त्वाच्या सूचना :

उमेदवारांनी सविस्तर जाहिरात वाचून अर्ज ऑफलाइन पद्धतीने वरील पत्त्यावर अर्ज सादर करायचे आहेत.
उमेदवारांनी अर्जामध्ये दिलेली माहिती खोटी अथवा चुकीची आढळल्यास उमेदवाराची उमेदवारी भरती प्रक्रियेच्या कोणत्याही टप्प्यावर रद्द केली जाईल.
भरतीचे इतर सर्व अधिकार कृषी विज्ञान केंद्र सोलापूरकडे राखून ठेवण्यात आलेले आहेत.

महत्त्वाच्या लिंक्स :

कृषी विज्ञान केंद्र, सोलापूर भरतीची मूळ जाहिरात पाहण्यासाठी आणि अर्जाचा नमूना पाहण्यासाठी येथे क्लिक करा.

(वाचा : GAIL Recruitment 2023 : पदवीधरांसाठी गेल इंडियाने जाहीर केली ‘या’ पदांवर भरती; मिळणार लाखोंमध्ये पगार)

Source link