Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Career In Diploma in Medical Laboratory Technology: दहावी नंतर विद्यार्थ्यांपुढे करिअरचे अनेक पर्याय खुले होतात. पण बहुतांशी विद्यार्थी हे विज्ञान शाखेला पसंती दर्शवतात. या शाखेतून पुढे करिअरच्या अनेक वाटा खुल्या होत असल्याने विज्ञान शाखेला विशेष महत्व आहे. पण विज्ञान शाखा निवडूनही अनेकांना पुढे काय करायचे असा प्रश्न असतो.
मग पुन्हा बारावीनंतर विद्यार्थी इंजिनियरिंग, बीएससी, बिझनेस मॅनेजमेंट असे काही ठराविक पर्याय निवडतात. पण विज्ञान शाखेतीलच एक महत्वाचा करिअरचा पर्याय म्हणजे ‘डीएमएलटी’. अनेकांना या कोर्स विषयी पुरेशी माहिती नसल्याने विद्यार्थ्यांना या कोर्सचे महत्व ठाऊक नाही. पण भविष्याला कलाटणी देणारा, उत्तम संधी आणि पैसे मिळवून देणारा असा हा कोर्स आहे. तेव्हा या विषयी, त्यातल्या अभ्यासक्रमाविषयी आणि पुढील संधींविषयी सविस्तर माहिती जाणून घेऊया.
मग पुन्हा बारावीनंतर विद्यार्थी इंजिनियरिंग, बीएससी, बिझनेस मॅनेजमेंट असे काही ठराविक पर्याय निवडतात. पण विज्ञान शाखेतीलच एक महत्वाचा करिअरचा पर्याय म्हणजे ‘डीएमएलटी’. अनेकांना या कोर्स विषयी पुरेशी माहिती नसल्याने विद्यार्थ्यांना या कोर्सचे महत्व ठाऊक नाही. पण भविष्याला कलाटणी देणारा, उत्तम संधी आणि पैसे मिळवून देणारा असा हा कोर्स आहे. तेव्हा या विषयी, त्यातल्या अभ्यासक्रमाविषयी आणि पुढील संधींविषयी सविस्तर माहिती जाणून घेऊया.
अभ्यासक्रमाविषयी: हा एक पॅरा मेडिकल कोर्स आहे. ‘डीएमएलटी’ म्हणजेच ‘डिप्लोमा इन मेडिकल लॅब टेक्नॉलॉजी’ असे या कोर्सचे पूर्ण नाव आहे. हा अभ्यासक्रम केवळ विज्ञान शाखेतील विद्यार्थीच करू शकतात. हा दोन वर्षांचा पूर्णवेळ अभ्यासक्रम आहे. पॅथलॉजी म्हणजेच वैद्यकीय प्रयोगशाळांची विस्तृत माहिती देणारा हा अभ्यासक्रम आहे.
(वाचा: SSC Recruitment 2023: इंजिनियर्ससाठी कर्मचारी निवड आयोगात सुवर्णसंधी; जाणून घ्या पदे, पात्रता आणि वेतन)
या कोर्सचा उपयोग: आपल्या शरीरातील द्रवपदार्थ तसेच विविध सूक्ष्म घटकांचे संशोधन आणि अभ्यास या कोर्स द्वारे होतो. त्यामुळे रक्त तपासणी, लघवी तापसणी, थुंकी तापसणी आणि आरोग्य क्षेत्रातील अगणित चाचण्या करण्याचे काम हे ‘डीएमएलटी’ कोर्स उत्तीर्ण झालेले उमेदवार करत असतात. सोप्या भाषेत सांगायचे तर आपल्या शरीरातील काही घटकाचे संशोधन करून आपल्याला झालेला आजार शोधण्याचे काम याद्वारे केले जाते.
अभ्यासक्रम पात्रता: या कोर्स साठी प्रवेश घेण्याकरिता तुम्हाला जीवशास्त्र, रसायनशस्त्र, भौतिकशास्त्र या विषयांसह आणि किमान ५०% गुणांसह बारावी परीक्षा उत्तीर्ण असणे आवश्यक आहे. त्यामुळे जर हा कोर्स तुम्हाला करायचा असले तर दहावी नंतर विज्ञान शाखेत प्रवेश घेतानाच ‘पीसीबी’ हा ग्रुप निवडावा लागेल.
महाविद्यालये आणि शुल्क: या अभ्यासक्रमासाठी आता अनेक महाविद्यालये उपलब्ध आहेत. यामध्ये खासगी, शासकीय आणि निमशासकीय अशा तिन्ही पद्धतची महाविद्यालये आहेत. शासकीय महाविद्यालयांमध्ये कमी शुल्क आकारले जाते. पण खासगी महाविद्यालयात दोन वर्षांचे मिळून २५ हजार ते २ लाखांपर्यंत शुल्क आहे. हे शुल्क महाविद्यालयांवर अवलंबून आहे.
करिअरच्या संधी: या कोर्स नंतर तुम्ही पॅथॉलॉजीमध्ये वैद्यकीय प्रयोगशाळा तंत्रज्ञ म्हणजेच लॅब टेक्निशियन म्हणून काम करू शकता. तुम्ही त्यामध्ये अधिक उच्च पदव्युत्तर पदवी प्राप्त केली तर तुमची स्वतःची लॅब देखील सुरू करू शकता. अनेक मोठ्या कंपन्या आणि लॅबमध्ये अनेक नोकरीच्या संधी उपलब्ध आहे. शिवाय शासकीय, खासगी रुग्णालये यांमध्येही तुम्ही नोकरी करू शकता. हॉस्पिटल, पॅथॉलॉजी लॅब, हेल्थकेअर सेंटर इथे ‘डीएमएलटी’ उत्तीर्ण उमेदवारांची मोठी गरज भासते. या क्षेत्रात पगारही २५ हजारांपासून ते लाखोंच्या रकमेत तुमच्या अनुभवानुसार दिला जातो.
(वाचा: ZP Satara Bharti 2023: योग प्रशिक्षकांसाठी सातारा जिल्हा परिषदेत मोठी भरती, जाणून घ्या नोकरीचे सर्व तपशील)