आर्थिक वादातून बाणेर परिसरात गोळीबार. गोळीबार करून स्वत:हि केली आत्महत्या,

पुणे,दि.१०:- पुण्यातील बाणेर येथील ज्युपिटर हॉस्पिटल शेजारील शंकर पार्क लेन नंबर एक या परीसरातील पैशाच्या व्यवहारातून झालेल्या वादानंतर गोळीबार झाल्याच्या धक्कादायक प्रकार समोर आला आहे.

Thank you for reading this post, don’t forget to subscribe!

आरोपीने व्यावहारात पैशाच्या वादातून गोळीबार करत आत्यहत्या केली आहे. पुण्यातील बाणेर भागात गोळीबार झाला आहे.

अनिल ढमाले याने आकाश जाधव यांच्यावर गोळीबार केला. यानंतर त्याने व रिक्षातून पळवून जाताना स्वत:वर गोळीबार करत आत्महत्या केली आहे. आकाश जाधव याची प्रकृती गंभीर असून त्याच्यावर उपचार सुरू आहेत.

मिळालेल्या माहितीनुसार, बाणेर मधील ज्युपिटर परिसरात आकाश जाधवचे (39, रा. बाणेर) बाणेर येथील हाय स्ट्रीटवर आकाश यांची सुवर्ण पेढी आहे. जी गेली 14 वर्षे आरोपी अनिल सखाराम ढमाले (52, रा. बालेवाडी) हा अनिल ज्वेलर्स या नावाने चालवत होता. व्यावसायिक कारणाने ढमालेने आकाशकडून उसने पैसे घेतले होते आणि याच कारणाने दोघांमध्ये गेल्या काही दिवसांपासून वाद सुरू होता.

याचपार्श्वभूमीवर आकाशने अनिल ढमाले याला त्याच्या दुकानात बोलावून घेतले. यानंतर ते दोघेही चहा पिण्यासाठी दुचाकीवरून जाण्यसाठी निघाले. यावेळी दुचाकीच्या मागे बसलेल्या आरोपी अनिल ढमाले यांनी आकाशवर मागून गोळी चालवली. यानंतर तो रिक्षातून औध दिशेने पळून गेला. मात्र त्याने थोड्या अंतरावर गेल्यानंतर स्वत:वर गोळी झाडत आत्महत्या केली आहे. यानंतर अनिल ढमाले याच्याजवळ सापडलेल्या चिठ्ठीत त्याने म्हटले की, गेल्या काही महिन्यांपासून आमच्या दोघांमध्ये आर्थिक वाद सुरू होता. या त्रासाला कंटाळून हा हल्ला केला आहे. दरम्यान, चतुःश्रृंगी पोलीस अधिक तपास करत आहेत.