जरा याद करो कुर्बानी, पुलवामा दहशतवादी हल्ल्याला आज पाच वर्षे पूर्ण…

जरा याद करो कुर्बानी, पुलवामा दहशतवादी हल्ल्याला आज पाच वर्षे पूर्ण…

पोलिसकाका क्राईमबिट – आज पुलवामा हल्ल्याला पाच वर्ष पूर्ण झाली आहेत. 14 फेब्रुवारी 2019 रोजी भारतीय जवानांवर दहशतवाद्यांनी भ्याड हल्ला केला होता. पुलवामा हल्ल्यात सीआरपीएफ चे 40 जवान शहीद झाले होते. आज पुलवामा हल्ल्याला पाच वर्षे पूर्ण झाली आहे. संपूर्ण देश आज व्हॅलेंटाईन डे साजरा करत आहे, परंतु 5 वर्षांपूर्वी 14 फेब्रुवारी 2019 रोजी पुलवामा दहशतवादी हल्ल्यात प्राण गमावलेल्या त्या 40 जवानांच्या बलिदानाचेही स्मरण करूया. जम्मू काश्मीरमधील पुलवामा येथे 14 फेब्रुवारी 2019 रोजी झालेल्या आत्मघाती दहशतवादी हल्ल्यात 40 जवान शहीद झाले. जम्मूहून श्रीनगरला जाणाऱ्या केंद्रीय राखीव पोलीस दलाच्या (सीआरपीएफ) ताफ्यावर हा भ्याड हल्ला करण्यात आला. देशात जवानांवर झालेला हा आतापर्यंतचा सर्वांत मोठा हल्ला आहे. सीआरपीएफच्या ताफ्यात एकूण 78 वाहने होती आणि त्यातून एकूण 2,547 जवान प्रवास करत होते. जैश-ए-मोहम्मदचा दहशतवादी आदिल अहमद दार उर्फ वक्कास याने लाटूमोड येथे ताफ्यावर 350 किलो आरडीएक्स स्फोटकांनी भरलेली कार धडकवून हा आत्मघातकी हल्ला घडवला होता.

पंतप्रधान नरेंद्र मोदीही भावूक झाले आणि देशवासियांना संबोधित करताना ते म्हणाले की, प्रत्येक अश्रूचा बदला घेतला जाईल आणि त्या दहशतवादी हल्ल्याचा 12 दिवसांनी बदला घेतला गेला. पाकिस्तानातील बालाकोट येथे हवाई हल्ला करण्यात आला आणि शत्रू निवडकपणे मारले गेले.

14 फेब्रुवारी 2019 रोजी सकाळी 2547 केंद्रीय राखीव पोलीस दलाच्या सीआरपीएफ जवानांना घेऊन 78 बसेसचा ताफा जम्मूहून श्रीनगरसाठी निघाला, पण जम्मू-श्रीनगर राष्ट्रीय महामार्गावर एका कारची सैनिकांच्या बसला टक्कर झाली आणि मोठा स्फोट झाला. बसेसला आग लागली आणि या दहशतवादी हल्ल्यात आपले 40 जवान शहीद झाले. 76 व्या बटालियनच्या सैनिकांवर खुलेआम दहशतवादी हल्ला करण्याची जबाबदारी जैश-ए-मोहम्मद या पाकिस्तानी दहशतवादी संघटनेने घेतली होती, ज्याचा अतिरेकी आदिल अहमद दार याने स्फोटकांनी भरलेली कार ताफ्यात घुसवली होती. यानंतर जगभर दिसणाऱ्या विध्वंसाच्या दृश्याने लोकांची मने हेलावली. या दहशतवादी हल्ल्याचा जगभरातून निषेध करण्यात आला आणि बदला घेण्याची मागणी करण्यात आली. या दहशतवादी हल्ल्याचा तपास केला असता, पुलवामा हल्ल्याची योजना पाकिस्तानात असल्याचा क्लू एनआयएला मिळाला. आयएसआय आणि पाकिस्तानच्या सरकारी यंत्रणांनी मिळून या हल्ल्याची योजना आखली होती. मसूद अझहर हा मास्टरमाईंड होता. यानंतर 17 फेब्रुवारीला पीएम मोदींनी सूड घेतला जाईल, शत्रू तयार राहा, अशी घोषणा केली.

12 दिवसांनी 26 फेब्रुवारीच्या रात्री जवानांच्या हौतात्म्याचा बदला घेण्यात आला. मास्टरमाइंड एनएसए अजित डोवाल यांनी नियोजन केले आणि भारतीय लष्कराची 12 मिराज आणि 200 लढाऊ विमाने एलओसी ओलांडून पाकिस्तानात घुसली. गुप्तचर यंत्रणांनी शोधून काढलेले जैश-ए-मोहम्मदचे अड्डे बालाकोटमध्ये उद्ध्वस्त करण्यात आले. या मध्ये जवळपास 300 दहशतवादी मारले गेले.