११ हजारांमध्ये 16GB RAM! रियलमीनं भारतात आणले दोन पावरफुल 5G Phone

रियलमीनं आपल्या नारजो सीरिजचा विस्तार केला आहे. कंपनीनं भारतात Realme Narzo 70 Series लाँच केली आहे. यात Realme Narzo 70 5G आणि Realme Narzo 70x 5G चा समावेश आहे. कंपनीचा दावा आहे की Narzo 70 सेगमेंटचा सर्वात वेगवान स्मार्टफोन आहे. दोन्ही फोन मीडियाटेक डायमेन्सिटी चिपसेटसह आले आहेत. चला जाणून घेऊया यांची माहिती.

Realme Narzo 70 सीरिजची किंमत

Realme Narzo 70 5G च्या ६जीबी रॅम व १२८जीबी व्हेरिएंटची किंमत १४,९९९ रुपये आहे तर ८जीबी रॅम व १२८जीबी व्हेरिएंटची किंमत १५,९९९ रुपये आहे. तर Realme Narzo 70x 5G च्या ४जीबी रॅम व १२८जीबी व्हेरिएंटची किंमत १०,९९९ रुपये आहे आणि ६जीबी रॅम व १२८जीबी व्हेरिएंटची किंमत ११,९९९ रुपये आहे. हे आजपासून विक्रीसाठी उपलब्ध होतील. दोन्ही फोन फॉरेस्ट ग्रीन आणि आइस ब्लू कलर ऑप्शनमध्ये खरेदीसाठी उपलब्ध आहेत.

Realme Narzo 70 5G चे स्पेसिफिकेशन

फोनमध्ये ६.६७ इंचाचा अ‍ॅमोलेड डिस्प्ले आहे, जो फुल एचडी प्लस रिजॉल्यूशन, १२० हर्ट्झ रिफ्रेश रेट, २४० हर्ट्झ टच सॅम्पलिंग रेट आणि १२०० निट्स पीक ब्राइटनेसला सपोर्ट करतो. फोन अँड्रॉइड १४ आधारित रियलमी युआय ५.० ओएसवर चालतो. हा फोन मीडियाटेक डायमेन्सिटी ७०५० ५जी प्रोसेसरसह आला आहे. फोनमध्ये ८जीबी पर्यंत रॅम ऑप्शन मिळतात. डायनॅमिक रॅम फीचरच्या माध्यमातून रॅम १६जीबी पर्यंत वाढवता येतो.

फोनमध्ये ड्युअल रियर कॅमेरा सेटअप आहे, ज्यात ५० मेगापिक्सेलचा प्रायमरी कॅमेरा आणि २ मेगापिक्सेलची सेकंडरी लेन्स आहे. सेल्फीसाठी, फोनमध्ये १६ मेगापिक्सेलची लेन्स मिळते. फोनमध्ये ४५वॉट सुपरवूक चार्जिंग सपोर्टसह ५००० एमएएचची बॅटरी मिळते. कंपनीचा दावा आहे की यात ५१८ तासांचा स्टॅन्डबाय टाइम मिळतो. फोन फुल चार्ज होण्यास ६१ मिनिटांची वेळ लागते.

फोनमध्ये ५जी, वाय-फाय आणि ब्लूटूथ ५.२ सारखे कनेक्टिव्हिटी ऑप्शन मिळतात. फोनमध्ये इन-डिस्प्ले फिंगरप्रिंट सेन्सर देखील आहे. डस्ट आणि स्प्लॅश रेजिस्टंटसाठी फोन आयपी५४ रेटिंगसह येतो. फोनमध्ये हाय-रेस ऑडियो सर्टिफिकेशनसह ड्युअल स्टीरियो स्पिकर्स आहेत. यात रेनवॉटर स्मार्ट टच फीचरचा सपोर्ट मिळतो, ज्यामुळे ओल्या हातानी देखील हा सहज वापरता येतो.

Realme Narzo 70x 5Gचे स्पेसिफिकेशन

फोनमध्ये ६.६२ इंचाचा एलसीडी डिस्प्ले आहे, जो फुल एचडी प्लस रिजोल्यूशन, १२० हर्ट्झ रिफ्रेश रेट, २४० हर्ट्झ टच सॅम्पलिंग रेटला सपोर्ट करतो. फोन अँड्रॉइड १४ आधारित रियलमी युआय ५.० ओएसवर चालतो. हा फोन मीडियाटेक डायमेन्सिटी ६१००+ ५जी प्रोसेसरसह ला आहे. हा ६जीबी रॅम ऑप्शनसह येतो. यात देखील डायनॅमिक रॅम फीचरचा सपोर्ट मिळतो.

या फोनमध्ये देखील ड्युअल रियर कॅमेरा सेटअप आहे, ज्यात ५० मेगापिक्सेलचा प्रायमरी कॅमेरा आणि २ मेगापिक्सेलची सेकंडरी लेन्स आहे. सेल्फीसाठी, फोनमध्ये ८ मेगापिक्सेलचा कॅमेरा आहे. यात मिनी कॅप्सूल २.० फीचरचा सपोर्ट मिळतो, जो बॅटरी वॉर्निंग आणि चार्जिंग स्टेटस दाखवतो. या फोनमध्ये देखील ४५वॉट सुपरवूक चार्जिंग सपोर्टसह ५००० एमएएचची बॅटरी मिळते. Narzo 70 5G प्रमेने यात देखील ५जी, वाय-फाय आणि ब्लूटूथ ५.२ सारखे कनेक्टिव्हिटी ऑप्शन मिळतात. यात देखील इन-डिस्प्ले फिंगरप्रिंट सेन्सर आणि डस्ट आणि स्प्लॅश रेजिस्टेंटसाठी आयपी५४ रेटिंग मिळते.