boAt स्वस्तात देईल महागड्या स्मार्टवॉचचे फिचर्स, boAt Storm Call 3 भारतात लॉन्च

boAt Storm Call 3 Price: स्मार्टवॉच वापरणारे असंख्य युजर्स आपल्याला दररोज दिसतात. यात फिचर्सच्या बाबतीत अनेक कंपन्यांमध्ये चढाओढ रंगलेली दिसते. अर्थात जास्त फिचर असलेल्या वॉचेसची किंमत देखील जास्त असते. मात्र नुकत्याच बोट boAt कंपनीने लॉन्च केलेल्या वॉचमध्ये याबद्दल विरोधाभास बघायला मिळाला आहे. कंपनीने अतिशय कमी किमतीत ब्लूटूथ कॉलिंग आणि नेवीगेशन यांसारखे फिचर्स मिळणार आहेत. कंपनीने नुकत्याच सादर केलेल्या या वॉचबद्दल काही खास गोष्टी जाणून घेऊया.

BoAtनं आपली लेटेस्ट वॉच लाँच केली आहे. कंपनींची ही वॉच परवडणारी किंमत व दर्जेदार फिचर्ससह मिळेल. कंपनीने boAt Storm Call 3 वॉच सादर केली आहे, जी ब्लूटूथ कॉलिंग फीचरसह येईल. अलीकडेच ब्रँडने boAt Nirvana Eutopia हेडफोन लाँच केले आहेत.

हे स्मार्टवॉच स्क्वेअर डायल डिझाइनसह येईल. यात सिलिकॉन आणि मेटॅलिक अशा दोन्ही स्ट्रॅप्सचा पर्याय मिळेल. boAt Storm Call 3 ची खास गोष्ट म्हणजे त्यात मिळणारे इनबिल्ट मॅप नेव्हिगेशन. याबद्दल डिटेल्स जाणून घेऊया

boAt Storm Call 3ची किंमत

boAT कंपनीने ही वॉच चार रंगांच्या ऑप्शन्समध्ये लाँच केले आहे. यात तुम्हाला चेरी ब्लॉसम, ॲक्टिव्ह ब्लॅक, ऑलिव्ह ग्रीन आणि सिल्व्हर मेटल या रंगांमध्ये खरेदी करता येईल. कंपनीने हे घड्याळ 1099 रुपयांच्या किमतीत लॉन्च केले आहे. तुम्ही ते boAtच्या अधिकृत वेबसाइट, फ्लिपकार्ट आणि ब्लिंकिटवरून खरेदी करू शकता.

वॉचमधील खास फिचर्स

boAt Storm Call 3 मध्ये 1.83-इंचाचा LCD डिस्प्ले देण्यात आला आहे, जो 550 Nits च्या पीक ब्राइटनेससह येईल. ही वॉच DIY कस्टमायजेबल वॉच फेससह येते, ज्यासाठी तुम्हाला क्रेस्ट ॲप वापरावे लागेल. यात ब्लूटूथ कॉलिंगची देखील सुविधा आहे.

हे घड्याळ Cres+ OS वर काम करते. यामध्ये क्विक डायल पॅड देण्यात आला आहे. तुम्ही घड्याळातच नंबर सेव्ह करू शकता. यात 700+ स्पोर्ट्स मोड आहेत. स्मार्टवॉच IP67 रेटिंगसह येते. त्यात मॅप नेव्हिगेशन सपोर्ट देण्यात आला आहे. यासाठी तुम्हाला boAt Crest ॲप वापरावे लागेल.

अतिरिक्त मात्र फिचर हेल्थ मॉनिटरींगबद्दल बोलायचे झाल्यास, हार्ट बिट, SpO2, डेली ऍक्टिविटी ट्रॅकर सह आणि इतर अनेक फिचर्स मिळतात. घड्याळात इमर्जन्सी SOS फीचर देण्यात आले आहे. तसेच, या घड्याळात कॅमेरा नियंत्रण, गेम, म्युझिक कंट्रोल, वेदर, अलार्म, काउंटडाउन, स्टॉपवॉच, फाइंड माय डिवाईस व DNDसारखे खास फिचर्स देण्यात आले आहेत.