Samsungने भारतात लॉन्च केली नवीन ४K क्रिस्टल TV सिरीज, जाणून घ्या किंमत

Samsung ने भारतीय बाजारपेठेत ४K क्रिस्टल टीव्हीची २०२४ सिरीज लॉन्च केली आहे. या मालिकेअंतर्गत तीन स्मार्ट टीव्ही सादर करण्यात आले आहेत. यामध्ये स्क्रीनचा आकार ४३ इंच ते ७५ इंचापर्यंत बघायला मिळणार आहे आहे. हे स्मार्ट टीव्ही HDR१०+ सपोर्टसह उपलब्ध असतील. कंपनीने या मालिकेत विविड, व्हिजन प्रो आणि विविड प्रो असे तीन मॉडेल सादर केले आहेत. त्यांची किंमत आणि सर्व तपशील जाणून घेऊया..

Samsung Crystal ४K TV २०२४ सिरीजची भारतातील किंमत

नवीन सॅमसंग 4K क्रिस्टल टीव्ही तीन मॉडेल्समध्ये उपलब्ध असेल. Samsung Crystal ४K Vivid ची सुरुवातीची किंमत ३२,९९० रुपये आहे. तर, कंपनीने Samsung Crystal 4K Vision Pro ३४,४९० रुपयात लॉन्च केला आहे. याशिवाय Samsung Crystal ४K Vivid Pro ची किंमत ३५,९९० रुपये इतकी आहे.
कंपनीने अद्याप मोठ्या स्क्रीन आकाराच्या वेरिएंटची किंमत उघड केलेली नाही. Samsung ४K Crystal TV ची २०२४ सिरीज लोकप्रिय ई-कॉमर्स वेबसाइट Amazon, Flipkart आणि Samsung च्या ऑनलाइन स्टोअरवर खरेदीसाठी उपलब्ध असेल.

स्मार्ट टीव्हीचे तुफान फिचर्स

Samsung Crystal ४K २०२४TV हे LED बॅकलाईट टीव्ही आहेत जे LCD पॅनेलसह येतात. हे ४३ इंच, ५० इंच, ५५ इंच, ६५ इंच आणि ७५ इंच स्क्रीन आकारात लॉन्च केले गेले आहेत. हे सर्व सॅमसंग स्मार्ट टीव्ही Bixby आणि Amazon Alexa व्हॉइस असिस्टंटला सपोर्ट करतात.

हे सर्व स्मार्ट टीव्ही 4K अपस्केलिंग वैशिष्ट्यासह येतात. व्हिडिओ सामग्रीवर प्रक्रिया करण्यासाठी ते क्रिस्टल प्रोसेसर ४K ने सुसज्ज आहेत. हा चिपसेट चांगल्या चित्र आणि रंग गुणवत्तेसाठी १६-बिट ३D कलर मॅपिंगसह प्रत्येक रंगाची छटा देखील मॅप करतो. सॅमसंगच्या इन-हाउस PurColor अल्गोरिदमचा वापर करून, टीव्ही 1 अब्ज खरे रंग उत्सर्जित करू शकतो.

Samsung 4K Crystal 2024 TV मध्ये ऑब्जेक्ट ट्रॅकिंग साउंड लाइट (OTS Light) देखील आहे. हे ऑन-स्क्रीन घटकांची हालचाल शोधून आणि टीव्हीवरील मल्टी-चॅनल स्पीकर्सशी जुळवून ऑब्जेक्ट-ट्रॅकिंग करते. सॅमसंगचे म्हणणे आहे की ही प्रणाली डॉल्बी डिजिटल प्लसच्या माध्यमातून 3D सारखा ध्वनी अनुभव मिळेल.