ज्येष्ठ व दिव्यांग मतदारांना २० मे रोजी मतदानासाठी विनामुल्य वाहन व्यवस्था उपलब्ध

मुंबई उपनगर, दि. 18: मुंबई उपनगर जिल्ह्यातील ज्येष्ठ व दिव्यांग मतदारांना 20 मे 2024 रोजी आपला मतदानाचा हक्क बजावता यावा यासाठी जिल्हा निवडणूक यंत्रणेमार्फत विशेष खबरदारी घेण्यात आली आहे. त्याअनुषंगाने दिव्यांग मतदारांना मतदार संघनिहाय विनामूल्य वाहन व्यवस्था उपलब्ध करून देण्यात आली आहे. यासाठी संपर्क अधिकारी यांची नियुक्ती करण्यात आली असून  संपर्क साधण्यासाठी http://tiny.cc/s7b5yz या लिंकवर माहिती उपलब्ध करून देण्यात आली असल्याचे जिल्हा दिव्यांग समन्वयक अधिकारी  प्रसाद खैरनार सांगितले आहे.

मुंबई उपनगर जिल्ह्यात एकुण 16 हजार 116 दिव्यांग मतदार आहे. या मतदारांना मतदानाच्या दिवशी मतदान केंद्रापर्यंत पोहोचण्यासाठी किंवा काही अडचण असल्यास त्यांना मार्गदर्शन करण्यासाठी 1 हजार 106 दिव्यांग मित्रांचीही नेमणूक करण्यात आली आहे. तसेच दिव्यांग मतदारांना प्रत्यक्ष मतदानाच्या दिवशी 25 रींगरुट व शटल रूटवर दिव्यांग फ्रेंडली लो-फ्लोअर बस धावणार आहेत. या बसमधून ‘हात दाखवा”बस थांबवा’ या धर्तीवर दिव्यांग व ज्येष्ठ मतदार या वाहतूक सुविधेचा लाभ घेऊ शकणार आहेत.

बस सेवा

बस सेवा उपलब्ध

संपर्क क्रमांक

अधिकारी यांचे संपर्क क्रमांक

0000