धक्कादायक! गो-तस्करीच्या संशयातून वृद्धास विवस्त्र करुन मारहाण; मोटारसायकलला बांधून फरफटत नेले

वृत्तसंस्था, गढवा (झारखंड) : गोतस्करीच्या संशयावरून एका ६० वर्षीय वृद्धास तिघांनी विवस्त्र करून मारहाण केल्याची घटना गढवा जिल्ह्यातील अमरोरा गावाजवळ शुक्रवारी घडली. पोलिसांनी रविवारी ही माहिती दिली. या वृद्धास या तिघांनी विवस्त्र करून मारहाण केली व मोटरसायकलला बांधून फरफटत नेले, असा आरोप आहे.

सूरस्वती राम असे या वृद्धाचे नाव असून पोलिसांनी याप्रकरणी राहुल दुबे, राजेश दुबे व काशिनाथ भुईयान या तिघांवर गुन्हा दाखल केला आहे.
Amravati Crime: स्वयंपाकाच्या वादातून पतीने पत्नीला संपवलं; मारहाणीत बेशुद्ध पडताच शेतातील विहिरीत टाकले
सूरस्वती राम हे आपल्या गायीला घेऊन घरी परतत असताना ही घटना घडली. तेथून मोटरसायकलवरून जाणाऱ्या या तिघांनी त्यांना हटकले व त्यांच्यावर गोतस्करीचा आरोप केला. यानंतर आरोपींनी त्यांना मारहाण करत विवस्त्र केले, त्यानंतर त्यांना मोटरसायकलला बांधले व काही अंतरापर्यंत फरफटत नेले, अशी माहिती पोलिस अधिकाऱ्यांनी दिली. ‘या तिघांनी काही अंतरापर्यंत फरफटत नेल्यानंतर मला रस्त्यावर तसेच टाकून पलायन केले,’ असे सूरस्वती राम यांनी पोलिसांना सांगितले. यानंतर काही जणांनी या वृद्धास सरकारी रुग्णालयात दाखल केले. पोलिसांनी या प्रकरणात काशिनाथ भुईयान याला अटक केली असून, अन्य दोघांचा शोध सुरू आहे.