महादेव ॲप वर जुगार खेळणार्यावर पुणे ग्रामीण पोलिसांची मोठी कार्यवाही….

महादेव बुकी अॅप या अनाधिकृत ऑनलाईन गेमींग अॅपद्वारे चालू असलेल्या सट्टेबाजीवर कारवाई करत लॅपटॉप, मोबाईल व इतर साहीत्य असा एकूण ६२ लाख ७४ हजार ५०० रू. चा मुद्देमाल जप्त करून ९३ इसम घेतले ताब्यात – स्थानिक गुन्हे शाखा व नारायणगांव पोलीसांची कारवाई…..

नारायनगाव(पुणे)प्रतिनिधी – याबाबत सवीस्तर व्रुत्त असे की,गेल्या काही महिन्यांपासून अनाधिकृत महादेव बुकी अॅप या ऑनलाईन अॅपद्वारे ऑनलाईन सट्टेबाजी केली जात असल्याने देशभरात ठिकठिकाणी छापेमारी करण्यात आलेली आहे. महादेव बुकी अॅप या अनधिकृत ऑनलाईन अॅपद्वारे पुण्याचे नारायणगावात सट्टा खेळविला जात आहे. अशी बातमी स्थानिक गुन्हे शाखेचे पोलिस निरीक्षक अविनाश शिळीमकर यांना मिळाली होती.

त्याबाबत पोलिस अधीक्षक पुणे ग्रामीण पंकज देशमुख यांना माहिती दिल्यानंतर त्यांनी पुढील कार्यवाही करण्याचे आदेश दिले.त्याअनुषंगाने स्थानिक गुन्हे शाखेच्या पथकाकडून दि १५/०५/२०२४ रोजी पोलिस अधीक्षक यांचे आदेश व सुचनेप्रमाणे नारायणगाव शहरातील व्हिजन गॅलेक्सी कॉम्प्लेक्स मधील तीन मजली इमारतीत गोपनीय बातमीचे आधारे छापा टाकला असता छापा कारवाई दरम्यान एकूण ९६ इसम हे लॅपटॉप, मोबाईल व इतर साहीत्याचे मदतीने अनाधिकृत ऑनलाईन महादेव बुकी अॅपद्वारे ऑनलाईन गेमींग मध्ये सट्टेबाजी करत असताना मिळून
आले.

सदर इमारतीचे संपुर्ण तीन मजले भाडे तत्वावर घेवून इमारतीतील तिसऱ्या मजल्यावर अनधिकृतपणे महादेव बुकी ॲपद्वारे ऑनलाईन पैसे घेवून सट्टेबाजी खेळवत असताना एकूण ९६ इसम मिळून आले आहेत. त्यांचे ताब्यातून सट्टेबाजी करीता आवश्यक असणारे साहित्यामध्ये ४५ लॅपटॉप, ८९ मोबाईल, आरोपींचे वापरते १०१ मोबाईल, ४५२ बँक खाते पुस्तक व चेकबुक, टेबल, खुर्च्या तसेच असा एकूण ६२ लाख ७४ हजार ५०० /- रू किंमतीचा मुद्देमाल
हस्तगत करण्यात आलेला आहे. सदर प्रकरणी नारायणगाव पोलीस स्टेशन गु.र.नं. १५५ / २०२४ भा.दं.वि.का.क. ४२० ४६४ ,४६५,४६७, ४६८, ४७१ महा. जुगार कायदा कलम ४, ५ माहिती तंत्रज्ञान माहिती अधि. ६६ सी प्रमाणे दाखल करण्यात आलेला आहे.
गुन्हा व  गुन्हयाची व्याप्ती मोठी व आरोपी संख्या जास्त असल्याने यातील आरोपींना मा. न्यायालयात हजर करण्यात आले, यातील मुख्य पाच आरोपींची दि. २०/०५/२०२४ रोजी पर्यंत पाच दिवस पोलिस कस्टडी रिमांड मंजूर केली आहे. तसेच इतर उर्वरीत आरोपीं यांचेकडे पुरेसा वेळ घेवून तपास करणे असल्याने त्यांची पोलिस कस्टडी रिमांडचा हक्क अबाधीत राखून त्यांची न्यायालयीन कस्टडी रिमांड मंजूर करणेत आलेली आहे.

सदरची कामगिरी  पोलिस अधीक्षक पंकज देशमुख, अपर पोलिस अधीक्षक  रमेश चोपडे पुणे विभाग,  उपविभागीय पोलिस अधिकारी  सत्यसाई कार्तिक (भा.पो.से.) लोणावळा विभाग,उपविभागिय पोलिस अधिकारी,खेड सुदर्शन पाटील,उपविभागिय पोलिस अधिकारी,जुन्नर रविंद्र चौधरी यांचे मार्गदर्शनाखाली स्थानिक गुन्हे शाखेचे पोलिस निरीक्षक अविनाश शिळीमकर, जुन्नर पो स्टे चे पोनि किरण अवचर, आळेफाटा पो स्टे चे पोनि सतिश होडगर, स्था.गु.शा. चे सपोनि राहुल गावडे, पोउपनि  प्रदीप चौधरी, अभिजीत सावंत, दशरथ चिंचकर, नारायणगाव पो स्टेचे सपोनि महादेव शेलार, पोउपनि जगदेवप्पा पाटील,विनोद धुर्वे स्थागुशा चे पोलिस शिपाई महेश बनकर, मंगेश थिगळे, अतुल डेरे, दिपक साबळे, विक्रम तापकीर, दत्ता तांबे,हेमंत विरोळे, संदिप वारे, बाळासाहेब खडके, अक्षय नवले, विजय कांचन, राजु मोमीण, राहुल पवार, प्रकाश वाघमारे, ज्ञानदेव क्षिरसागर, अमोल शेडगे, समाधान नाईकनवरे, तुषार भोईटे, मंगेश भगत, रामदास बाबर, निलेश सुपेकर, प्रसन्नजित घाडगे, अक्षय सुपे, काशिनाथ राजापुरे, दगडु विरकर, अमीरूद्दीन चमणशेख, अतुल फरांदें, नारायणगाव पोस्टे चे पोलिस अंमलदार दत्ता तळपाडे, संतोष कोकणे, शैलेश वाघमारे, सत्यम केळकर, सचिन सातपुते, सोमनाथ डोके, गोरक्ष हासे, आदिनाथ लोखंडे, दत्ता
ढेंबरे, मंगेश लोखंडे, संतोष साळुंखे, गोकुळ कोळी जुन्नर पोस्टे चे अंमलदार सागर शिंदे, गणेश शिंदे, आळेफाटा पो स्टे चे निलेश खैरे यांनी केली आहे.