Google I/O 2024: Google Astra हरवलेल्या वस्तू शोधण्यात मदत करेल हा AI असिस्टंट, जाणून घ्या कसा ठरेल फायदेशीर

Google I/O इव्हेंटमध्ये यावेळी मोठ्या प्रमात चर्चा फक्त AI बद्दल झाली. गुगलचे सीईओ सुंदर पिचाई यांनी Geminiबद्दल बोलून कार्यक्रमाची सुरुवात केली. या इव्हेंटमध्ये, Google Photos मधील AI पासून Google च्या व्हिडिओ जनरेटिव्ह AI मॉडेल VEO पर्यंत सर्व काही लॉन्च केले गेले आहे. यासोबतच I/O मध्ये अनेक मोठ्या घोषणाही करण्यात आल्या आहेत.

या क्रमाने कंपनीने प्रोजेक्ट एस्ट्रा लाँच केला आहे. हा कंपनीचा एक नवीन प्रोजेक्ट असेल, ज्याचा फोकस भविष्यातील एआय असिस्टंट तयार करण्यावर आहे. हा पप्रोजेक्ट OpenAI च्या नवीन लाँच झालेल्या GPT 4o सारखा आहे. हे टूल तुमच्या फोनच्या कॅमेऱ्यात दिसणाऱ्या प्रत्येक गोष्टीचे एक्सपेलनिशन देऊ शकते.

प्रोजेक्ट Astra ठरेल फायदेशीर

शिवाय या असिस्टंटला कॅमेऱ्यात दिसलेल्या गोष्टीही लक्षात राहतात. गुगलने आपल्या इव्हेंटमध्ये याचा डेमो दाखवला आहे. व्हिडिओमध्ये स्पष्टपणे दिसत आहे की हे एआय टूल कॅमेरामध्ये दिसणारी प्रत्येक गोष्ट एक्सप्लेन करत आहे.

व्हिडिओमध्ये तुम्ही एखादे चित्र रेखाटून ॲस्ट्राला त्याबद्दल माहिती विचारू शकता. हा असिस्टंट कोड वाचू शकतो आणि त्यांच्याबद्दल माहिती देऊ शकतो. याशिवाय तुमच्या आजूबाजूचा परिसर पाहून तुम्ही कोणत्या भागात राहता हे सांगता येते. यानंतर, व्हिडिओमध्ये एक ट्विस्ट आहे, ज्यात एआयने यूजरचा चष्मा शेवटचा कुठे पाहिला हे देखील सांगितले.

आपण याचा वापर कधी करू शकाल?

याशिवाय, तुम्ही ॲस्ट्राला अनेक प्रकारचे प्रश्न देखील विचारू शकता. गुगलच्या या कार्यक्रमाला उपस्थित असलेले लोक याचा लाईव्ह डेमो देखील पाहू शकले. मात्र, हे फीचर सामान्य युजर्सपर्यंत पोहोचण्यास थोडा वेळ लागेल. कंपनीने स्पष्ट केले आहे की त्याचे काही फीचर्स जेमिनी ॲपवर उपलब्ध असतील. वापरकर्ते ॲपवर थेट कॅमेरा उघडून त्याचा वापर करू शकतील.

Astra चा संपूर्ण अनुभव एक दिवसापूर्वी OpenAI ने सादर केलेल्या GPT 4o सारखाच आहे. परंतु, तुम्हाला Astra मध्ये आणखी एक किंवा दोन अतिरिक्त फिचर्स बघायला मिळतात. याशिवाय हे टूल व्हिडिओमध्ये दिसलेल्या गोष्टीही लक्षात ठेवते. जे तुम्हाला हरवलेल्या वस्तू शोधण्यात मदत करू शकतात.