Shivpuran Kedarnath Yatra Rules: केदारनाथ यात्रेला जाताय? जाणून घ्या शिवपुराणातील नियम !

By tejpolicetimes Last updated May 29, 2024

Shivpuran Yatra Niyam :

केदरानाथच्या तीर्थयात्रेला १० मेपासून सुरुवात झालेली आहे. केदरनाथांच्या दर्शनसाठी फार मोठ्या संख्येने लोक जात आहेत. पण केदारनाथांच्या दर्शन काळातील काही व्हिडिओ समोर येत आहेत, त्यात दर्शनानंतर लोक नशा करताना दिसत आहेत. तसेच काही लोक मंदिराच्या परिसरात रिल्स बनवताना दिसत आहे. या संदर्भात बद्रिनाथ केदारनाथ मंदिर समितीने काही मार्गदर्शक तत्वे लागू केली आहे. धार्मिक स्थळी आपली वर्तणूक कशी असली पाहिजे, याबद्दल शिवपुराणातीही काही नियम, अटी सांगण्यात आल्या आहेत. जर तुम्ही केदरनाथ यात्रा किंवा इतर कोणत्याही धार्मिक ठिकाणी प्रवास करणार असाल तर आणि या यात्रेचा पूर्ण लाभ व्हावा असे वाटत असेल, तर शिवपुराणात सांगितलेल्या या नियमांची चांगली माहिती असणे आवश्यक आहेत. तर जाणून घेऊ शिवपुराणात धार्मिक स्थळी यात्रेसंदर्भात काय नियम आहेत.

1. पृथ्वीवर अनेक शिवक्षेत्रांची निर्मिती

शिवपुराणानुसार भगवान महादेवाने त्याच्या भक्तांना मोक्ष प्रदान करण्यासाठी पृथ्वीवर अनेक शिवक्षेत्रांची निर्मिती केली आहे. यात केदरानाथचाही समावेश आहे.

2. केदारनाथला जाताना विशेष काळजी घ्या

शिवपुराणानुसार भारतात १२ ज्योतिर्लिंग आहे, जी स्वतः प्रकट झालेली आहेत, त्यामुळे यांना स्वयंभू ज्योतिर्लिंग म्हटले जाते. ही सर्व तीर्थस्थळं भक्तांचे रक्षण करतात आणि त्यांच्या इच्छा पूर्ण करतात, असे म्हटले जाते. त्यामुळे कोणत्याही धार्मिकस्थळी जाताना भक्तांनी सर्व प्रथम स्नान करून पवित्र होणे आवश्यक असते. तसेच दान आणि जप केला पाहिजे. असे न केल्यात संबंधित व्यक्ती रोग, दारिद्रय आणि वाणी संबंधित दोषांना सामोरा जाऊ शकतो. हे फक्त याच जन्मी नाही तर पुढील जन्मातही त्या व्यक्तीच्या नशिबी येते.

3. असा करा तीर्थक्षेत्रात प्रवेश

या शिवाय त्या व्यक्तीने सदाचार, चांगली वृत्ती आणि सद्भभावना, दयाभाव ठेवत तीर्थक्षेत्री मुक्काम केला पाहिजे. जर तुम्ही असे केले नाही तर तुम्हाला धार्मिक यात्रेचे पूर्ण फळ मिळणार नाही. या भावनेतून धार्मिक स्थळी केलेले लहानसे पूण्य तुमच्यासाठी महापूण्य बनू शकते.

4. प्रवासात मन पवित्र ठेवा

शिवपुराणात म्हटले आहे की, तुम्ही जर केदरनाथ किंवा इतर कोणत्याही धार्मिक स्थळी प्रवास करत असाल तर मन पवित्र ठेवून तिथे गेले पाहिजे. तुम्ही तुमच्या विचारांना शुद्ध ठेवा. तीर्थस्थळी केलेले मानसिक पाप संबंधित व्यक्तीची अनेक जन्म पाठ सोडत नाही. त्यामुळे परोपकाराची आणि दया भावना राखणे आवश्यक आहे.

5. केदारनाथमध्ये चुकूनही या गोष्टी करू नका

व्यक्तीने देवतांची पूजा करत ब्राह्मण आणि गरजूंना दान केले पाहिजे. तीर्थस्थळी पापकर्मांपासून दूर राहात निवास केला पाहिजे. तुम्ही जेव्हा केदरानाथ किंवा अन्य कोणत्याही धार्मिक स्थळी गेला तर शिवपुराणात सांगितलेल्या या नियमांचे पालन करा. असे केल्याने तीर्थयात्रेचा लाभ चौपट मिळेल.

6. तीर्थयात्रेला जाताना या गोष्टींची विशेष काळजी घ्या

तीर्थयात्रेवर असताना मांसाहार, मद्य अशा तामसिक पदार्थांपासून दूर राहिले पाहिजे. तसेच या काळात ब्रह्मचर्य व्रताचे पालन केले पाहिजे आणि जीवजंतू,प्राणीमात्रांबद्दल दया भावना ठेवली पाहिजे.

Source link