WhatsApp AI Profile Photo: आता AI तयार करेल तुमचा सुंदर प्रोफाइल फोटो, WhatsApp लाँच करणार नवीन फिचर

WhatsApp AI powered profile photos: WhatsAppवर, युजर्स आर्टीफीशीअल इंटेलिजन्सचा (AI) वापर करून स्वतःचे स्टिकर्स तयार करू शकतात. या मेसेजिंग ॲपमध्ये लवकरच यूजर्सनं AI प्रोफाइल फोटो तयार करता येणार आहे. WABetaInfo च्या रिपोर्टनुसार, Meta सह हे मेसेजिंग ॲप आता अशा तंत्रज्ञानावर काम करत आहे ज्याद्वारे युजर्स स्वतःचा प्रोफाइल फोटो तयार करू शकतील.

AI प्रोफाइल फोटो कसा तयार करायचा

WABetaInfo रिपोर्टनुसार, ‘असे दिसते की WhatsApp युजर्सशी केनेक्टिव्हिटी सुधारण्यासाठी आणि त्यांच्या प्रोफाइलला अधिक पर्सनल टच देण्यासाठी AI फिचर काम करत आहे. व्हॉट्सॲप लवकरच हे नवीन फिचर लाँच करणार असल्याचे सांगितले जात आहे. ज्याच्या मदतीने युजर्स आर्टिफिशियल इंटेलिजन्स (AI) सह त्यांचा प्रोफाईल फोटो तयार करू शकतील. हे फिचर पुढच्या अपडेटमध्ये येण्याची शक्यता आहे. या फीचरमुळे यूजर्स त्यांची आवड किंवा मूडनुसार खास फोटो तयार करू शकतील. युजर्सना फक्त त्यांना कशा प्रकारचा फोटो हवा आहे हे सांगावे लागेल आणि AI त्यांनी दिलेल्या माहितीच्या आधारे त्यांच्यासाठी एक विशेष प्रोफाइल फोटो तयार करेल.

रिपोर्टमध्ये असेही म्हटले आहे की ‘या फीचरमुळे यूजर प्रोफाइलची प्रायव्हसी वाढेल. AI जनरेट केलेले फोटो वापरून, युजर्सना त्यांचे मूळ फोटो शेअर करण्याची गरज भासणार नाही. हे त्यांच्या मूळ फोटोंचा गैरवापर किंवा परवानगीशिवाय इतरांसोबत शेअर होण्याचा धोका कमी करेल. व्हॉट्सॲपमध्ये आधीपासूनच प्रोफाईल फोटोंचे स्क्रीनशॉट घेण्यापासून थांबणारे एक फिचर आहे, जे यूजर्सची प्रायव्हसी जपण्याचे काम करत आहे.

WhatsAppने आणले चॅट फिल्टर फीचर

अलीकडेच व्हॉट्सॲपने आपले नवीन ‘चॅट फिल्टर’ फीचर लाँच केले आहे. हे फिचर यूजर्सना सहजपणे आणि वेगाने कोणतीही चॅट शोधण्यास मदत करेल. कंपनी म्हणते की “व्हॉट्सॲप उघडणे आणि योग्य चॅट शोधणे सोपे आणि जलद असावे.” हे नवीन फीचर नुकतेच आयफोन यूजर्ससाठी आले आहे. हे फीचर व्हॉट्स ॲप व्हर्जन 23.25.10.76 मध्ये उपलब्ध असेल. या नवीन फीचरमुळे तुम्ही तुमच्या आवडीनुसार चॅट शोधू शकाल. तुम्ही न वाचलेल्या मेसेजसह चॅट्स, ग्रुप चॅट्स किंवा सर्व चॅट्स एकाच ठिकाणी पाहू शकता.