आता हप्त्यांवर घेतलेला iPhone मिरवता येणार नाही; Apple नं बंद केली ‘ही’ सर्व्हिस

प्रीमियम मोबाइलच्या श्रेणीत iPhone अग्रस्थानी आहे. हा प्रीमियम अनुभव अनेकांना घ्यायचा असतो म्हणून ईएमआयचा वापर करून ग्राहक स्वस्तात आयफोन घेतात. नो कोस्ट ईएमआयमुळेच भारतात सर्वात जास्त iPhone ची विक्री होते असं सांगितलं जातं. परंतु अमेरिकेत देखील ही पद्धत जास्त लोकप्रिय आहे. परंतु आता अमेरिकन अ‍ॅप्पल प्रेमी हप्त्यांवर iPhone घेऊन मिरवू शकणार नाहीत. कारण अ‍ॅप्पल आता Pay Later सर्व्हिस बंद करत आहे. त्यामुळे अमेरिकेत ईएमआयवर iPhone विकत घेणं थोडं कठीण होईल.

अ‍ॅप्पल पे लेटर सर्व्हिस

अ‍ॅप्पलनं ऑफिशियल वेबसाइटवर अ‍ॅप्पल पे लेटर फीचर बंद करण्याची घोषणा केली आहे. त्यामुळे ही सर्व्हिस नेमकी काय आहे आणि कशाप्रकारे ही सर्व्हिस काम करते हा प्रश्न तुम्हाला देखील पडला असेल. या सर्व्हिसमध्ये अ‍ॅप्पल आपल्या प्रोडक्टच्या खरेदीसाठी 1000 डॉलर (सुमारे 83,430 रुपये) पर्यंतचं कर्ज उपलब्ध करवून देते. हे कर्जाची परतफेड कर्ज चार हप्त्यांमध्ये करता येते. हे कर्ज पूर्णपणे बिनव्याजी असते.
हप्त्यांवर आयफोन घेणाऱ्यांची लागणार वाट; Apple नं गुपचूप बदलली वॉरंटी पॉलिसी

कोणत्या युजर्सवर होईल परिणाम

अ‍ॅप्पल पे लेटर सर्व्हिस अमेरिकेत लाँच करण्यात आली होती. याचा परिणाम भारतीय युजर्सवर होणार नाही, कारण ही सर्व्हिस भारतात उपलब्धच नाही. त्यामुळे भारतीय युजर्सना घाबरण्याचे कारण नाही, ते थर्ड पार्टीच्या मदतीनं आधीप्रमाणे हप्त्यांवर iPhone घेऊ शकतील. अमेरिकेत देखील असे पर्याय उपलब्ध असतील परंतु कंपनीकडून मिळणारी सर्व्हिस बंद करण्यात आली आहे.

गेल्यावर्षी लाँच झाली होती सर्व्हिस

Apple पे लेटर सर्व्हिस गेल्यावर्षी लाँच करण्यात आली होती. ही अ‍ॅप्पलची इन-हाउस सर्व्हिस होती, ज्यात अ‍ॅप्पल स्वतःहून ग्राहकांना कर्ज देत होती.

जगभरात लाँच होईल अ‍ॅप्पल पे सर्व्हिस

Apple नुसार, पुढील वर्षी किंवा यावर्षीच्या अखेरपर्यंत युजर्स Apple Pay मध्ये क्रेडिट आणि डेबिट कार्डची सुविधा वापरू शकतील. तसेच इंस्टॉलमेंट मध्ये लोनची सुविधा मिळवू शकतील. Apple अपकमिंग iOS 18 अपडेटसह Apple Pay संपूर्ण जगभरात लाँच करू शकते. यात अ‍ॅप्पल पे सह इतर बँकिंग सर्व्हिस इंटीग्रेट केल्या जाऊ शकतात.