Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
भारतात 5G कनेक्टिव्हिटीमध्ये जोरदार वाढ परंतू नेटवर्क क्वालिटीमध्ये मोठी घट, जाणून घ्या काय म्हणतो रिपोर्ट
सध्या भारतात Airtel आणि Jio हे दोनच ऑपरेटर्स 5G नेटवर्क सेवा पुरवत आहेत. काही राज्यांना वगळता, Airtelचा 5G परफॉर्मन्स सुधारला आहे, परंतु Reliance Jioच्या सरासरी 5G स्पीडमध्ये मोठी घट झाली आहे. OpenSignal च्या ताज्या रिपोर्टमध्ये भारतातील सरासरी 5G डाउनलोड स्पीडमध्ये घट नोंदवली आहे. 2023 च्या पहिल्या तिमाहीत सरासरी 5G डाउनलोड स्पीड 304 Mbps होता, जो चौथ्या तिमाहीत 280.7 Mbps पर्यंत खाली आला आहे. तसेच, मागील वर्षाच्या पहिल्या तिमाहीच्या तुलनेत या वर्षाच्या पहिल्या तिमाहीत पीक आवर्स (9 ते 12 वाजता) दरम्यान 5G स्पीडमध्ये मोठी घट झाली आहे, ज्याचे मुख्य कारण स्ट्रीमिंग, गेमिंग आणि ऑनलाइन शॉपिंगसाठी संध्याकाळी वाढलेली मागणी हे आहे.
देशातील 5G नेटवर्कच्या उपलब्धतेमध्ये 38.5 टक्के वाढ झाली आहे. ही वाढ भारतातील शहरी आणि ग्रामीण भागातील 5Gच्या पायाभूत सुविधांच्या विस्ताराची दिशा दाखवते. रिलायन्स जिओ आणि भारती एअरटेल सारखे ऑपरेटर मोठ्या लोकसंख्येला कव्हर करण्यासाठी 5G नेटवर्कसाठी सक्रीयपणे काम करत आहे. मात्र यासह डाउनलोड स्पीडमध्ये घट दिसून येत आहे.
काही राज्यांमध्ये सुधारला 5G परफॉर्मन्स
5G नेटवर्क देणाऱ्या दोन प्रमुख ऑपरेटरपैकी एक Airtel ने आपला गुंतवणूक पूर्णपणे 5G कडे वळवली आहे. परंतु, पंजाब, मुंबई आणि दिल्ली वगळता Airtel ची 5G परफॉर्मन्स बहुतेक भागात सुधारली आहे. सरासरी 5G डाउनलोड स्पीड 2023 च्या पहिल्या तिमाहीत 260.4 Mbps पासून वाढून 2024 च्या पहिल्या तिमाहीत 273.6 Mbps झाली. तसेच, एअरटेलची 5G उपलब्धता 12.5% टक्क्यांपासून वाढून 20.7 टक्के झाली आहे.
काही राज्यांमध्ये दिसली मोठी घट
परंतु, Reliance Jio च्या बाबतीत काही वेगळेच होते. Jioचा नॅशनल 5G डाउनलोड स्पीड 2023 च्या पहिल्या तिमाहीत 323.6 Mbps पासून घटून 2024 च्या पहिल्या तिमाहीत 261.8 Mbps झाला, ज्यामध्ये सर्वात जास्त प्रभावित राज्ये आसाम, पश्चिम बंगाल आणि उत्तर प्रदेश होते. रिपोर्टमध्ये असेही दिसते की जिओने या कालावधीत 5G उपलब्धता 34.9 टक्क्यांपासून 64.9 टक्क्यांपर्यंत वाढवली होती.
ओपनसिग्नलचे म्हणणे आहे की, इंडस्ट्री तज्ञांच्या मते, स्पीडमध्ये घट होण्याचे कारण नेटवर्क कंजेशन आणि वाढती 5G युजर्सची संख्या असू शकते. जसे अधिक लोक 5G वापरायला सुरुवात करतात, त्यामुळे नेटवर्कला हाय ट्रॅफिकचा सामना करावा लागतो, ज्यामुळे स्पीड कमी होऊ शकतो. तसेच, 4G नेटवर्कसह 5G पायाभूत सुविधांचे सुरू असलेले इंटिग्रेशन देखील परफॉर्मन्समध्ये घट होण्यास कारणीभूत ठरू शकते.