धक्कादायक! मिरवणुकीतील लेझर शोमुळे तरुणाच्या डोळ्यात रक्तस्त्राव, तर पोलीस कर्मचाऱ्याच्या डोळ्याला इजा

डोळ्यांना लेझर लाईट मुळे गंभीर इजा

लोकमान्य टिळकांनी समाजातील नागरिक एकत्र या व्यक्तीसाठी सार्वजनिक गणेशोत्सव सुरू केला. सुरुवातीला ढोल ताशा आणि लेझीम, टिपऱ्या, टाळ मृदुंग यांनी कानाला मंत्रमुग्ध करणाऱ्या ताल वाद्यांनी लाडक्या गणपती बाप्पाचा आगमन व्हायचं मात्र कालांतराने याची जागा डॉल्बी डिजेने घेतली. कर्कश आवाज त्यात लाईटचा झगमगाट याने अनेकांचे कान किर्र करून टाकत असतानाच. आता त्यात भर म्हणजे डोळ्यांसाठी घातक असलेल्या लेझर लाईटचा ही समावेश गेल्या काही वर्षात वाढला आहे. कोल्हापुरात काल रात्री उचगाव, राजारामपुरी, रिंग रोड या भागात डॉल्बीच्या दणदणात गणपती बाप्पाची मिरवणूक निघाले. यामध्ये अनेक मंडळांनी नियम धाब्यावर बसवत पोलिसांनी आखून दिलेल्या नियमांची पायमल्ली करत. डीजेचे स्ट्रक्चर उभा केले तर सर्रास अनेक ठिकाणी लेसर लाईटचा वापर करण्यात आला.

आता याचे वाईट परिणाम समोर येऊ लागले. उचगाव येथे मिरवणूक पाहायला गेलेल्या २१ वर्षाच्या आदित्य बोडके या तरुणाच्या डोळ्याला लेझर लाईट मुळे गंभीर इजा झाली आहे. आदित्य उचगावात डॉल्बीच्या ठेक्यात सुरु असलेला आगमन सोहळा पाहण्यासाठी गेला असता ही घटना घडल्याचे तरुणाच्या वडिलांनी सांगितलं आहे. लेसर पहिल्यांनंतर तासाभरात या तरुणाला डोळ्यात जळजळ जाणवू लागली. तरुणाला रुग्णालयात दाखल केल्यानंतर ही घटना समोर आली. या तरुणावर आता शास्त्रक्रिया करण्यात येणार असल्याच सांगण्यात आलं आहे. तर आगमन मिरवणुकीत टेंबलाईवाडी येथे पोलीस बंदोबस्तासाठी असलेले हवालदार युवराज पाटील यांच्याही उजव्या डोळ्याला सूज येऊन दुखापत झाल्याने त्यांनाही खासगी रुग्णालयात विचारासाठी दाखल करण्यात आल आहे.

धोकादायक लेसरवर कायमची बंदी हवी

डोळ्यांसाठी अत्यंत घातक ठरलेल्या लेझर लाईट मुळे यापूर्वी देखील अनेक वाईट घटना घडल्या होत्या. गेल्या दोन ते तीन वर्षात याचा वापर मोठ्या प्रमाणात मिरवणुकीत वाढला आहे. काल मिरवणुकी दरम्यान २२ वर्षाचा एक तरुणाला त्याला अचानक दिसायचं बंद झालं होतं. तो गणपतीची मिरवणूक बघायला गेला होता यावेळी लेझर लाईट त्याच्या डोळ्यामध्ये गेल्याने त्याची नजर कमजोर होऊन एक फूट ते दोन फूट इतकेच दिसत होती. डोळ्यातील पडदा तपासला असता यावेळी डोळ्याचा सूक्ष्म भाग असलेला मॅक्युलम मध्ये लेझर किरण गेल्याने रक्तवाहिनी फुटली होती यामुळे रक्तस्राव होत होता. लेझरमुळे डोळ्यांना दुखापत होणे हे गेल्या तीन ते चार वर्षात मोठ्या प्रमाणात दिसून येत आहेत. लेझरचे किरण हे तीव्र असतात आणि ते डोळ्यात गेल्याने डोळ्यांना इजा होते. यामुळे डोळ्याची दृष्टी जाण्याची भीती देखील असते वेळेत उपचार घेतले तर काही प्रमाणात दृष्टी वाचवण्यात यश येते. लेसरकिरणांची तीव्रता अधिक असल्यामुळे नागरिकांनी अशा मिरवणुका टाळणे किंवा या किरणांकडे बघूच नये ही दक्षता घ्यायला हवी. तसेच शासनाने या धोकादायक लेसर किरणांच्या वापरावर तात्काळ बंदी घालावी असे नेत्रविकार तज्ञ गायत्री होशिंग यांनी म्हटल आहे.