Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Indira Ekadashi Pitru Puja : भाद्रपद महिन्यातील कृष्ण पक्षातील एकादशी तिथीला इंदिरा एकादशीचे व्रत केले जाते. यंदा ही एकादशी २८ सप्टेंबरला शनिवारी असणार आहे. ही एकादशी पितृपक्षात येत असल्यामुळे याचे व्रत पितरांच्या पूजेसाठी उत्तम मानले जाते. जाणून घेऊया इंदिरा एकादशीच्या दिवशी कोणते खास उपाय केल्याने पितरांना मोक्ष मिळेल.
भाद्रपद महिन्यातील कृष्ण पक्षातील एकादशी तिथीला इंदिरा एकादशीचे व्रत केले जाते. यंदा ही एकादशी २८ सप्टेंबरला शनिवारी असणार आहे. ही एकादशी पितृपक्षात येत असल्यामुळे याचे व्रत पितरांच्या पूजेसाठी उत्तम मानले जाते.
इंदिरा एकादशीच्या दिवशी भगवान विष्णूची विधीवत पूजा केल्याने मनुष्याला सुख, समृद्धी आणि इच्छित फलप्राप्ती होते. इंदिरा एकादशीच्या दिवशी काही विशेष उपाय केल्याने पितर प्रसन्न होतात. जाणून घेऊया इंदिरा एकादशीच्या दिवशी कोणते खास उपाय केल्याने पितरांना मोक्ष मिळेल.
दक्षिण दिशेला दिवा लावा
इंदिरा एकादशीच्या दिवशी स्वच्छ मनाने आणि पूर्ण भक्तीभावाने दक्षिण दिशेला दिवा लावायला हवा. ही दिशा पूर्वजांची मानली गेली आहे. या दिशेला दीप प्रज्वलित केल्याने पितर प्रसन्न होतात. तसेच आपल्या संपूर्ण कुटुंबाला आशीर्वाद देतात.
काळे तीळ
इंदिरा एकादशीच्या दिवशी काळे तीळ आणि मसूर काळ्या कपड्यात बांधून दक्षिण दिशेला ठेवा. यानंतर एकादशीच्या दिवशी हे कडधान्य आणि तीळ गाईला खाऊ घाला. असे केल्याने पितरांच्या आत्म्याला शांती मिळते.
पिंपळाचे झाड
इंदिरा एकादशीच्या दिवशी पिंपळाचे झाड आवर्जून लावा. या वृक्षामध्ये तिन्ही देवांचा वास असतो. या दिवशी पिंपळाचे झाड लावल्याने भगवान विष्णू प्रसन्न होतात. तसेच पितरांना मोक्ष प्राप्ती मिळते.
तर्पण श्राद्ध विधी
इंदिरा एकादशीचा दिवस हा अतिशय शुभ मानण्यात आला आहे. या दिवशी तुम्ही पितरांच्या नावाने तर्पण, श्राद्ध आणि पिंडदान करु शकता. तर्पण करण्यासाठी ही विधी अतिशय शुभ मानली जाते. या दिवशी तर्पण केल्याने पितरांचा आशीर्वाद तुमच्या कुटुंबावर राहातो.
या मंत्राचा करा जप
इंदिरा एकादशीच्या दिवशी भगवान विष्णूच्या ‘ओम नमो भगवते वासुदेवाय नमः’ या मंत्राचा १०८ वेळा जप करा. तसेच या दिवशी तुम्ही तुमच्या इच्छेनुसार दान करु शकता.
लेखकाबद्दलकोमल दामुद्रेकोमल दामुद्रे मागच्या साडेचार वर्षांपासून डिजिटल मीडियामध्ये लिखाण करत आहे. लाईफस्टाइल, टेक, ऑटो, धार्मिक, प्रवास आणि बिझनेस क्षेत्रातील विविध विषयांवर लिखाण. मागच्या दोन वर्षांपासून धार्मिक विषयांवर लिखाण करत आहे. कालनिर्णयमध्ये संपादकीय सहाय्यक. कालनिर्णय सांस्कृतिक दिवाळी अंक, कालनिर्णय मुख्य एडिशन, कालनिर्णय आरोग्य व कालनिर्णय स्वादिष्ट यावर काम करण्याचा अनुभव. यापूर्वी कोमलने २०१९ मधील लोकसभा निवडणुकांसाठी पीआर म्हणून काम केले. कोमल ला कामाव्यतिरिक्त सोशल मीडियाच्या माध्यमातून कविता आणि लेख लिहायला आवडतात. नवीन पुस्तके आणि धार्मिक गोष्टी वाचण्यात अधिक रस…. आणखी वाचा