शिंदे गटाचे उमेदवार भाऊसाहेब कांबळे यांच्या गाडीवर गोळीबार, निशाणा चुकल्याने सुदैवाने वाचले

By tejpolicetimes On Nov 20, 2024

Nagar Firing on Bhausaheb Kamble: मतदारांच्या भेटीगाठी घेऊन परतत असताना दुचाकीवरून आलेल्या हल्लेखोरांनी त्यांच्या गाडीवर ५ गोळ्या झाडल्या. हल्लेखोरांचा निशाणा चुकल्याने भाऊसाहेब कांबळे सुदैवाने बचावले आहेत.

हायलाइट्स:
शिंदे गटाचे उमेदवार भाऊसाहेब कांबळे यांच्या गाडीवर गोळीबार
निशाणा चुकल्याने सुदैवाने वाचले
मध्यरात्री दीड वाजेच्या सुमारास घडली घटना

महाराष्ट्र टाइम्स.कॉम

भाऊसाहेब कांबळे गाडीवर गोळीबार

नगर : राज्यात विधानसभा निवडणुकीची रणधुमाळी सुरु आहे. आज राज्यात सर्वत्र मतदानाची प्रक्रिया पार पडत आहे. त्याचदरम्या, राजकीय वर्तुळातून एक खळबळजनक बातमी समोर आली आहे. शिवसेना शिंदे गटाचे उमेदवार भाऊसाहेब कांबळे गाडीवर गोळीबार झाल्याचा धक्कादायक प्रकासमोर आला आहे. या घटनेनं नगर जिल्ह्यात खळबळ उडाली आहे. नगर जिल्ह्यातील श्रीरामपूर येथे अशोक सहकारी साखर कारखान्याच्या गेट समोर हा सगळा प्रकार घडला आहे.मतदारांच्या भेटीगाठी घेऊन परतत असताना दुचाकीवरून आलेल्या हल्लेखोरांनी त्यांच्या गाडीवर ५ गोळ्या झाडल्या. हल्लेखोरांचा निशाणा चुकल्याने भाऊसाहेब कांबळे सुदैवाने बचावले आहेत. रात्री दीड वाजेच्या सुमारास हा प्रकार घडला आहे. घटनेची माहिती मिळताच वरिष्ठ पोलीस अधिकारी घटनास्थळी दाखल झाले. अज्ञात आरोपींविरोधात श्रीरामपूर पोलीस स्थानकात गुन्हा दाखल झाला आहे.

Hitendra Thakur : बविआ उमेदवाराचा भाजप प्रवेश, पण हितेंद्र ठाकूरांचीही मोठी खेळी, आदल्या रात्रीत गेम फिरवला

भाऊसाहेब कांबळे यांनी घटनेबाबत आपली प्रतिक्रिया दिली आहे. ते म्हणाले की, “अशोक साखर कारखान्याच्या गेटसमोर अज्ञात व्यक्तींनी माझ्या गाडीवर गोळीबार केला. मी पोलीस स्टेशनला केस नोंदवायला आलोय. या मतदारसंघाचा प्रतिनिधी म्हणून मी उमेदवार उभा आहे. अशा पद्धतीने या शहरामध्ये घडत गेलं. असंच घडत गेलं तर हे खूप कठीण आहे आणि माझ्या जीवाला धोका आहे. पोलिसांकडे माझी मागणी आहे की, माझ्यावर झालेल्या हल्ल्याचा तपास झाला पाहिजे. हा काही अज्ञातांनी केला आहे. हल्ला का केला? हे मला माहिती नाही. पण मतदारसंघात माझं वर्चस्व आहे आणि ते बिघडवण्याचा प्रयत्न करण्यात आलेला आहे”.

अनिल देशमुखांवर हल्ला

दरम्यान, महाराष्ट्राचे माजी गृहमंत्री आणि राष्ट्रवादी काँग्रेसचे (शरद पवार) नेते अनिल देशमुख यांच्यावर सोमवारी दि. १८ नोव्हेंबरला हल्ला झाल्याची घटना घडली. या हल्ल्यामध्ये अनिल देशमुख यांच्या डोख्याला जबर दुखापत झाली आहे. यासंदर्भात अनिल देशमुख यांचे स्वीय सहाय्यक उज्वल भोयर यांनी पोलिसांमध्ये तक्रार दाखल केली आहे. एका बाजूला, या हल्ल्यामागे भारतीय जनता पार्टीचा हात असल्याचा दावा अनिल देशमुख आणि त्यांच्या समर्थकांनी केला आहे तर दुसऱ्या बाजूला अनिल देशमुख यांची ही स्टंटबाजी असल्याचा आरोप भाजपने केला आहे.

लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा

Source link