Vastu Shastra Tips for Kitchen: वास्तुशास्त्रानुसार तोडफोड न करता स्वयंपाकघरातील वास्तुदोष करा दूर ! जाणून घ्या सोपे उपाय !

स्वयंपाकघर चुकीच्या दिशेने असल्यास वास्तुदोष निर्माण होतो. म्हणून अग्निकोन म्हणजेच पूर्व-दक्षिण दिशेच्या मध्यभागी लाल रंगाचा बल्ब लावावा. हा बल्ब सकाळी आणि संध्याकाळी नियमितपणे सुरु ठेवावा, यामुळे किचनमधील वास्तुदोष कमी होवून घरात सुख-समृद्धी कायम राहते.

जर स्वयंपाकघराचे दार मुख्य दारासमोर असेल, तर यामुळे देखील वास्तुदोष निर्माण होतो. अशा परिस्थितीत, मुख्य दार आणि किचनच्या दरम्यान एक पडदा लावा. तसेच, स्वयंपाकघराच्या पूर्व किंवा उत्तर दिशेच्या भिंतींवर स्वास्तिक चिन्ह काढा. यामुळे किचनमधील वास्तुदोष कमी होवून घरात सकारात्मक ऊर्जा राहील.

किचनमधील गॅस शेगडी आग्नेय कोनात म्हणजे पूर्व-दक्षिण दिशेमध्ये ठेवा. गॅस शेगडी अशी हवी की जेव्हा स्वयंपाक तयार करत आहात तेव्हा त्या व्यक्तीचे मुख पूर्व दिशेला असावे. यामुळे घरातील सदस्यांची तब्येत ठणठणीत राहते. पिण्याचे पाणी ईशान्य कोनात म्हणजे उत्तर-पूर्व दिशेतील ठेवा. यामुळे स्वयंपाकघरातील वास्तुदोष कमी होवून कुटुंबात प्रेम आणि आदरपूर्ण वातावरण राहते.

स्वयंपाकघरात गॅस शेगडी आणि सिंक एकत्र ठेवू नका, शक्यतो त्यांना एकमेकांपासून दूर ठेवा. सिंक म्हणजे जल तत्व आणि गॅस शेगडी हे अग्नि तत्वाचे प्रतीक आहे. हे दोघंही विरोधी आहेत त्यामुळे त्यांना एकत्र ठेवल्यास किचनमध्ये वास्तु दोष निर्माण होतो आणि कुटुंबात वादविवाद, कार्यक्षेत्रात तसेच आर्थिक अडचणी येतात. म्हणून स्वयंपाकघरात गॅस शेगडी आणि सिंक एकमेकांपासून दूर ठेवा.