फ्लॉपचा टॅग हटवण्यात यशस्वी होणार का बॉलिवूड क्वीन? रविनाच्या लेकीला ठरतेय डोईजड, करतेय बक्कळ कमाई

‘इमर्जन्सी’ने तिसऱ्या दिवशी किती कमाई केली?

‘इमर्जन्सी’ चित्रपटाचं दिग्दर्शन कंगना रणौतने केलं आहे आणि तिने या चित्रपटात मुख्य भूमिका देखील साकारलीये. हा राजकीय सिनेमा माजी दिवंगत पंतप्रधान इंदिरा गांधी यांनी लादलेल्या आणीबाणीवर आधारित आहे. कंगनाने ‘इमर्जन्सी’मध्ये माजी पंतप्रधान इंदिरा गांधींची भूमिका साकारली असून तिच्या अभिनयाचं खूप कौतुक होतंय. या चित्रपटात अनुपम खेर, श्रेयस तळपदे आणि महिमा चौधरी यांच्यासह अनेक कलाकारांनी सहाय्यक भूमिका साकारल्या आहेत. ‘इमर्जन्सी’ ला प्रेक्षकांकडून चांगला प्रतिसाद मिळतोय.

‘इमर्जन्सी’च्या कलेक्शनबद्दल बोलायचं झालं तर, त्याची सुरुवात २.५ कोटी रुपयांनी झाली. दुसऱ्या दिवशी, चित्रपटाने ४४% वाढ केली आणि ३.६ कोटी रुपये कमावले. आता चित्रपटाच्या रिलीजच्य तिसऱ्या दिवशी म्हणजेच रविवारी झालेल्या कमाईचे सुरुवातीचे आकडे समोर आले आहेत. सॅकॅनिल्कच्या सुरुवातीच्या ट्रेंड रिपोर्टनुसार, ‘इमर्जन्सी’ने रिलीजच्या तिसऱ्या दिवशी म्हणजेच रविवारी ४.३५ कोटींचा गल्ला जमवला आहे.
सलमान खान ठरला अक्षय कुमारच्या डोक्याला ताप! बिग बॉसच्या सेटवर येऊनही शूट न करताच परतला खिलाडी

‘इमर्जन्सी’ची तीन दिवसांत एकूण कमाई आता १०.४५ कोटी रुपये झालीये

कंगनाच्या मागील चित्रपटांपेक्षा ‘इमर्जन्सी’ चांगला अभिनय करतेय. ‘इमर्जन्सी’ने तीन दिवसांत १० कोटींपेक्षा जास्त कमाई केली आहे. कंगनाच्या या राजकीय सिनेमाने तिच्या शेवटच्या तीन चित्रपटांच्या आयुष्यभराच्या कलेक्शनपेक्षा कितीतरी पट जास्त कमाई केली आहे. २०२३ मध्ये आलेल्या कंगनाच्या ‘तेजस’ चित्रपटाचं संपूर्ण कलेक्शन ४.१४ कोटी रुपये होतं. त्याच वेळी, २०२२ मध्ये आलेल्या धाकडची कमाई २.५८ कोटी होती. तर २०२१ मध्ये प्रदर्शित झालेल्या ‘थलाईवी’चं कलेक्शन फक्त १.४६ कोटी रुपये होतं. त्यामुळे ‘इमर्जन्सी’ हा सिनेमा अभिनेत्रीच्या शेवटच्या तीन चित्रपटांपेक्षा खूपच चांगला प्रतिसाद देतोय. त्यामुळे आता या सिनेमाला असंच प्रेक्षकांचं प्रेम मिळतंय का? हे पाहणं उत्सुकतेचं ठरणार आहे.