अक्षय कुमार आणि वीर पहारियाचा 'स्काय फोर्स' १०० कोटींच्या क्लबमध्ये, बजेटच्या आकड्यांपासून इतका दूर आहे सिनेमा

कमाई किती?
‘स्काय फोर्स’ नं पहिल्या दिवशी १५.३० कोटींची कमाई केली होची. त्यानंतर पहिल्या आठवड्याची एकूण कमाई ही ९९.७ कोटी इतकी होती. आठव्या दिवशी सिनेमानं ४.५ कोटींची कमाई केली. तर ९ व्या दिवशी ७.४ कोटींचा गल्ला जमवला होता. तर एकूण नऊ दिवसांबद्दल बोलायचं झालं तर सिनेमानं १११.७ कोटींची कमाई झाली आहे. तर सॅकनिल्कच्या रिपोर्टनुसार सिनेमानं १० व्या दिवशी ५.२५ कोटींची कमाई केली आहे. त्यामुळं दहा दिवसांत सिनेमानं ११६.३२ कोटींचा गल्ला जमवला आहे.

बजेट किती ?
सिनेमाच्या बजेटबद्दल बोलायचं झालं तर १६० कोटी खर्च करून सिनेमाची निर्मिती करण्यात आल्याचं म्हटलं जात आहे. १० दिवसांत सिनेमानं ११६ कोटींच्यावर कमाई केली असली तरी १६० कोटींचा आकडा पार करणं सिनेमासाठी सहज शक्य होणार नाहीए.

या सिनेंमांची टक्कर
बॉक्स ऑफिसवर स्काय फोर्सला टक्कर द्यायला शाहिद कपूरचा देवा सिनेमाही आला आहे.तसंच दोन मराठी सिनेमेही चर्चेत आहेत. फसक्लास दाभाडे आणि मुक्काम पोस्ट देवाचं घर या सिनेमांना प्रेक्षक गर्दी करताना दिसत आहेत. तर ६० दिवसानंतरही पुष्पा २ लाखांमध्ये कमाई करताना दिसतोय. त्यामुळं पुढचे काही आठवडे स्काय फोर्ससाठी महत्त्वाचे असणार आहेत.