बॉक्स ऑफिसचेही राजे ठरले छत्रपती संभाजी महाराज, लहानांपासून वृद्धांपर्यंत सर्वांना 'छावा'चीच भुरळ

मस्करीची कुस्करी अन्… भर मांडवात प्रसाद ओकने सासूबाईंच्या डोळ्यात आणलेलं पाणी, भन्नाट आहे लग्नाचा किस्सा
‘छावा’ने तीन दिवसांत ११६.५ कोटींची कमाई केली

सॅकनिल्कच्या अहवालानुसार, विकी कौशलच्या या चित्रपटाने पहिल्या दिवशी ३१ कोटी रुपयांची कमाई करून चांगली सुरुवात केली होती, तर शनिवारी या चित्रपटाने सुमारे ३७ कोटी रुपये कमावले. आता, या चित्रपटाने रविवारी सर्वोत्तम कलेक्शन केले. छावाची तिसऱ्या दिवसाची कमाई ५० कोटींच्या अगदी जवळ पोहोचली आहे. या चित्रपटाने तिसऱ्या दिवशी ४८.५ कोटी रुपये कमावले आहेत. तर तीन दिवसांत ११७.५० कोटी रुपये कमावले आहेत. अक्षय कुमारच्या स्कायफोर्सने सुमारे २३ दिवसांत थिएटरमध्ये ११६.५ कोटी रुपये कमावले होते.

तीन दिवसांत चित्रपटाने जगभरात किती कमाई केली?

‘छावा’ चे बजेट सुमारे १३० कोटी रुपये होते. सोमवारपर्यंत हा चित्रपट त्याच्या बजेटच्या जवळपास पोहोचू शकेल असा विश्वास वर्तवला जात आहे. जगभरातील कलेक्शनबद्दल बोलायचे झाले तर, ‘छावा’ ने फक्त दोन दिवसांत १००.०० कोटी रुपयांचा आकडा गाठला होता. आताची आकडेवारी पाहता, चित्रपटाने तीन दिवसांत जगभरात सुमारे १६० कोटी रुपये कमावले असतील.

वयाच्या २४ व्या वर्षी लोकप्रिय अभिनेत्रीचा संशयास्पद मृत्यू, घरात सापडला मृतदेह, पोलिसांकडून महिती समोर
रश्मिका मंदान्ना, अक्षय खन्ना, आशुतोष राणा सारखे अनेक दिग्गज कलाकार

या चित्रपटात विकी कौशल छत्रपती संभाजी महाराजांची महत्त्वाची भूमिका साकारत आहे. या चित्रपटात त्याच्याशिवाय रश्मिका मंदान्ना, अक्षय खन्ना, आशुतोष राणा, विनीत कुमार सिंग, दिव्या दत्ता, डायना पेंटी, नील भूपालम आणि प्रदीप रावत यांच्याही महत्त्वाच्या भूमिका आहेत.

छत्रपती शिवाजी महाराजांचे पुत्र संभाजी महाराज यांची कहाणी

या चित्रपटाच्या कथेत, छत्रपती शिवाजी महाराजांचे निधन झाल्यानंतर मुघल साम्राज्याचा सम्राट औरंगजेब याला असे वाटू लागते होते की आता दख्खनमध्ये त्यांना हरवू शकणारा कोणीही उरलेला नाही. आता, तो पूर्ण राज्याच्या बळकावण्याच्या कल्पना करत होता पण त्याला कल्पना नव्हती की छत्रपती शिवाजी महाराजांचा २४ वर्षांचा मुलगा संभाजी उर्फ छावा (विकी कौशल) आपल्या वडिलांचे स्वराज्याचे स्वप्न पुढे नेण्याची जिद्द बाळगून आहे. छत्रपती संभाजी महाराजांची पत्नी येसूबाई (रश्मिका मंदान्ना) देखील त्यांच्या शूर राजासोबत त्यांचे स्वप्न पूर्ण करण्यासाठी पाठीशी कणखर असल्याचे दिसते. चित्रपटाच्या कथेपासून ते कलाकारांच्या अभिनयापर्यंत, सर्वच गोष्टीत सिनेमाचे कौतुक होत आहे.