Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
बॉक्स ऑफिसवर अजूनही तग धरुन आहे 'सनम तेरी कसम', विकीचा 'छावा' सिनेमा गाजत असताना किती झालीये कमाई?
Sanam Teri Kasam Rerelease Box Office Collection Day 10: ‘सनम तेरी कसम’ चित्रपटाची दहा दिवसांमध्ये किती कमाई झाली, घ्या जाणून
हायलाइट्स:
- ‘सनम तेरी कसम’ ९ वर्षांनी पुन्हा झाला रीलिज
- मावरा होकेन आणि हर्षवर्धन राणे यांचा सिनेमा
- ९ वर्षांपूर्वी ठरलेला फ्लॉप
५.१४ कोटी रुपयांच्या जबरदस्त ओपनिंगसह १४ फेब्रुवारी रोजी ‘सनम तेरी कसम’ची सुरुवात झाली. त्यानंतर आता रविवारी १६ फेब्रुवारी या चित्रपटाने १.७२ कोटी रुपयांचा गल्ला कमावला आहे. त्यामुळे एकूण १० दिवसात या चित्रपटाची कमाई ३६.०१ कोटी रुपयांवर पोहोचली आहे. सिनेमाच्या टीमकडून याविषयी पोस्ट शेअर करण्यात आली असून चाहत्यांना अपेक्षा ५० कोटीची आहे. दीपक मुकूट यांची निर्मिती, तसेच राधिका राव आणि विनय सप्रू दिग्दर्शित ‘सनम तेरी कसम’ हा आकडा गाठेल का, हे पाहणे महत्त्वाचे ठरेल.
बॉक्स ऑफिसवर ‘छावा’ सिनेमाचे वादळ
‘सनम तेरी कसम’ हा सिनेमा गेल्या काही दिवसात १-२ कोटी रुपये दररोज कमावत असला तरी या चित्रपटासमोर विकी कौशल आणि रश्मिका मंदाना स्टारर ‘छावा’ चित्रपटाचे तगडे आव्हान आहे. ‘छावा’ने अवघ्या तीन दिवसात १२१ कोटी रुपयांची कमाई केली आहे. या चित्रपटाचे सकाळपासून रात्रीपर्यंतचे शो अवघ्या देशभरात हाऊसफुल्ल आहेत. ‘लव्हयापा’, ‘स्काय फोर्स’, ‘बॅडअॅस रविकुमार’ या चित्रपटांचा सुपडा साफ झाला आहे, केवळ ‘सनम तेरी कसम’ या रीरीलिज झालेल्या सिनेमाची थोडीफार कमाई होते आहे.
लेखकाबद्दलजान्हवी भाटकरजान्हवी भाटकर, महाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. डिजिटल आणि टेलिव्हिजन मीडियामध्ये ५ वर्षांचा अनुभव. ‘न्यूज १८ लोकमत’मधून डिजिटल मीडियामध्ये काम करण्यास सुरुवात. ऑनलाइन माध्यमांमध्ये ३ वर्ष कार्यरत. मनोरंजन, लाइफस्टाइल आणि अर्थ विषयात आवड.… आणखी वाचा