माजी महिला नगरसेविकीचे नाव चर्चेत भाजप शहराध्यक्षपदी कोणाची निवड होणार

तेज पोलीस टाइम्स : परवेज शेख

70306 46046

पुणे : तीन नावांमध्ये एका महिलेचा समावेश असल्याने शहराध्यक्ष कोण होणार याकडे लक्ष लागले आहे. मे महिन्याच्या पहिल्या आठवड्यात नवीन शहराध्यक्षाची घोषणा होण्याची शक्यता असून इच्छुकांनी लॉबिंग सुरू केले आहे.पुणे : भारतीय जनता पक्षामध्ये काही दिवसात मोठे संकटात्मक बदल होणार आहेत. प्रदेशाध्यक्षांपासून शहराध्यक्ष ते जिल्हाध्यक्षपर्यंत नवीन नियुक्त्या भारतीय जनता पक्षात करण्यात येणार आहेत. त्यासाठीच प्रत्येक जिल्ह्यात निरीक्षक नेमले आहेत. निरीक्षक नेमल्यानंतर पुणे शहरात काही दिवसांपूर्वी मंडल अध्यक्षांची नियुक्ती करण्यात आली होती. तर आता शहराध्यक्ष पदासाठी सुद्धा निवडणूक प्रक्रिया पार पडली आहे. यामध्ये प्रमुख तीन नाव शहराध्यक्ष पदासाठी सुचवण्यात आली आहेत. या तीन नावांमध्ये एक महिला असल्याचे देखील माहिती आहे. त्यामुळे पुणे शहराचा भाजपचा कारभारी कोण? बंद झाले असून मेच्या पहिल्या आठवड्यात नवीन शहराध्यक्ष घोषित होण्याची शक्यता आहे.भाजपकडून पर्यवेक्षक धनंजय महाडिक आणि निरीक्षक शेखर इनामदार यांच्याकडून पदाधिकाऱ्यांना शहराध्यक्षपदासाठी योग्य असलेल्या तिघांची नावे विचारण्यात आली होती. या तीनमध्ये एक नाव महिलेचे असणे बंधनकारक होतं. प्रदेश स्तरावरचे पदाधिकारी, शहराध्यक्ष, शहरातील सर्व सरचिटणीस, महिला मोर्चा, युवा मोर्चा यासह अन्य मोर्चाचे शहराध्यक्ष, विद्यमान आमदार, खासदार, माजी आमदार, माजी खासदार अशा तब्बल ४० ते ५० पदाधिकाऱ्यांनी नव्या शहराध्यक्षपदासाठी तीन नावं सुचवली आहेत. अहवाल पर्यवेक्षक आणि निरिक्षकांकडून प्रदेशाला सादर केला गेला आहे. आता प्रदेश कोअर कमिटीच्या बैठकीत या नावांवर चर्चा होऊन एका नावावर शिक्कामोर्तब करून शहराध्यक्षाच्या नावाची घोषणा करण्यात येणार आहे.शहराध्यक्ष पदासाठी एका महिलेचे नाव देणे बंधनकारक होतं त्यामुळे माजी नगरसेविका वर्षा तापकीर आरती कोंढरे , आणि वर्षा डहाळे यांची नावे मोठ्या प्रमाणात चर्चेत तसेच विद्यमान शहराध्यक्ष धीरज घाटे, माजी सभागृहनेते श्रीनाथ भिमाले, गणेश बिडकर, राजेंद्र शेळीकर,गणेश घोष, राजेश पांडे यांची नावं आघाडीवर असल्याचं सांगितलं जात आहे.