सूरज चव्हाणचा ‘झापुक झुपूक’ की महेश मांजरेकरांचा ‘देवमाणूस’, बॉक्स ऑफिसवर पहिल्या दिवशी कोणी मारली बाजी?

By tejpolicetimes On Apr 26, 2025

Zapuk Zupuk Vs Devmanus Box Office Collection Day 1: 25 एप्रिल रोजी रीलिज झालेल्या ‘झापुक झुपूक’ आणि ‘देवमाणूस’ या सिनेमांनी पहिल्याच दिवशी किती गल्ला कमावला?

हायलाइट्स:
मराठी सिनेमांचे बॉक्स ऑफिस कलेक्शन 
पहिल्या दिवशी मराठी सिनेमांची निराशा 
‘झापुक झुपूक’ आणि ‘देवमाणूस’ची स्पर्धा

(फोटो– महाराष्ट्र टाइम्स.कॉम)

मुंबई: केदार शिंदे दिग्दर्शित ‘झापुक झुपूक’ हा सिनेमा 25 एप्रिल 2025 रोजी रीलिज झाला. ‘बिग बॉस मराठी ५’ हे पर्व संपल्यानंतर केदार यांनी या चित्रपटाची घोषणा केली होती आणि तेव्हापासूनच प्रेक्षक Zapuk Zupuk विषयी उत्सुक होते. कारण या सिनेमात ‘बिग बॉस मराठी सीझन 5’मध्ये प्रेक्षकांनी ज्याला अक्षरश: डोक्यावर घेतले, तो सूरज चव्हाण झळकणार होता. अखेर ‘गोलीगत’ सूरजचा सिनेमा या आठवड्यात प्रदर्शित झाला, पण पहिल्याच दिवशी म्हणाली तितकी चांगली कमाई करण्यात यश मिळाले नाही. तर दुसरीकडे तेजस देऊस्कर दिग्दर्शित आणि महेश मांजरेकर-रेणुका शहाणे यांची मुख्य भूमिका असणाऱ्या ‘Devmanus’ची परिस्थितीही काही वेगळी नाही. हा सिनेमानाही सारख्याच तारखेला प्रदर्शित झाला आहे. बॉलिवूड चित्रपटांशी असणारी स्पर्धा हे या मराठी सिनेमांची कमी कमाई होण्यामागचे एक महत्त्वाचे कारण असू शकते.

‘झापुक झुपूक’ आणि ‘देवमाणूस’ची पहिल्या दिवसाची कमाई किती?

‘झापुक झुपूक’ने पहिल्या दिवशी 27 लाख रुपयांचे ग्रॉस कलेक्शन केले, तर नेट कलेक्शन 24 लाख रुपयांचे आहे. तर ‘देवमाणूस’ची पहिल्या दिवसाची ग्रॉस कमाई 15 लाख रुपये असून, 14 लाख रुपयांचे नेट कलेक्शन आहे. Sacnilk ने ही आकडेवारी दिली आहे. पहिल्या दिवशीच्या कमाईनंतर येणाऱ्या वीकेंडपर्यंत हे मराठी सिनेमे चांगली कमाई करू शकतील का हे पाहणे महत्त्वाचे ठरेल.

बॉलिवूड सिनेमांशी स्पर्धा

पहिल्या दिवशी या सिनेमांची कमी कमाई होण्याचे महत्त्वाचे कारण म्हणजे सध्या बॉक्स ऑफिसवर काही बॉलिवूड आणि दाक्षिणात्य चित्रपटांची एकमेकांशी स्पर्धा सुरू आहे. 25 एप्रिल रोजी ‘ग्राउंड झीरो’, ‘थुडरुम’, ‘फुले’ असे चर्चेत असणारे चित्रपट रीलिज झाले आहेत. याशिवाय अक्षय कुमारचा ‘केसरी चॅप्टर 2’, सनी देओलचा ‘जाट’ या सिनेमांमध्येही तगडी स्पर्धा पाहायला मिळते आहे.

सई ताम्हणकरच्या बॉलिवूड सिनेमाची पहिल्या दिवशी किती झाली कमाई? इमरान हाश्मीसह झळकली मुख्य भूमिकेत
‘झापूक झुपूक’च्या कास्टबद्दल सांगायचे झाल्यास यामध्ये सूरज चव्हाण, जुई भागवत, इंद्रनील कामत, हेमंत फरांदे, मिलिंद गवळी, पुष्कराज चिरपुटकर, दीपाली पानसरे हे कलाकार आहेत. तर ‘देवमाणूस’मध्ये महेश मांजरेकर, रेणुका शहाणे, सुबोध भावे, सिद्धार्थ बोडके, अभिजीत खांडकेकर अशी तगडी स्टारकास्ट पाहायला मिळाली.

लेखकाबद्दलजान्हवी भाटकरजान्हवी भाटकर, महाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. डिजिटल आणि टेलिव्हिजन मीडियामध्ये ५ वर्षांचा अनुभव. ‘न्यूज १८ लोकमत’मधून डिजिटल मीडियामध्ये काम करण्यास सुरुवात. ऑनलाइन माध्यमांमध्ये ३ वर्ष कार्यरत. मनोरंजन, लाइफस्टाइल आणि अर्थ विषयात आवड.… आणखी वाचा

Source link