Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Ground Zero Box Office Collection Day 1: ‘ग्राउंड झीरो’ या सिनेमाने बॉक्स ऑफिसवर पहिल्याच दिवशी कोट्यवधींची कमाई केली आहे.
हायलाइट्स:
- ‘ग्राउंड झीरो’ 25 एप्रिल रोजी रीलिज
- सई ताम्हणकरच्या सिनेमाने किती केली कमाई?
- इमरान हाश्मीसह अभिनेत्री मुख्य भूमिकेत
इमरान हाश्मी आणि सई ताम्हणकर यांची मुख्य भूमिका असणाऱ्या ‘ग्राउंड झीरो’मध्ये 2001 साली संसदेवर झालेला हल्ला आणि त्यानंतर सुरक्षा दलाने काश्मीरमध्ये राबविलेले ऑपरेशन यावर आधारित हा सिनेमा आहे. दहशतवादी कारवायांचा मास्टरमाइंड राणा ताहिर नदीम ऊर्फ गाजी बाबा याचा सीमा सुरक्षा दलानं कसा खात्मा केला, हे तेजसनं आपल्यासमोर प्रभावीरित्या पेश केलंय. या ऑपरेशनचे नेतृत्व बीएसएफ अधिकारी नरेंद्र नाथ धर दुबे यांनी केली होते. या भूमिकेत इमरान असून, सईने त्याच्या पत्नीची भूमिका साकारली आहे.
किती झालीये कमाई?
पहिल्याच दिवशी म्हणजेच पहिल्या शुक्रवारी सई-इमरानच्या सिनेमाने 1.15 कोटींची नेट कमाई केली आहे. Sacnilk ने ही आकडेवारी दिली. तर पहिल्या शनिवारी 49 लाखांची कमाई केल्याचे समोर आले आहे. शनिवारची आकडेवारी सुरुवातीच्या सत्रातील आहे, यामध्ये बदल होऊ शकतात. शनिवारी दुपारपर्यंतची कमाई 1.64 कोटी रुपये झाली आहे. पहिला वीकेंड आणि ‘फर्स्ट मंडे’ या परीक्षेत ‘ग्राउंड झीरो’ पास होईल का हे पाहणे महत्त्वाचे ठरेल. सध्या ‘जाट’, ‘केसरी 2’ आणि काही दाक्षिणात्य सिनेमांसोबत ‘ग्राउंड झीरो’ची स्पर्धा आहे.
‘महाराष्ट्राने हिंदी इंडस्ट्रीला वाचवलं’, स्पष्टच बोलले महेश मांजरेकर; ‘छावा’च्या यशाचे श्रेय विकी कौशलला नाही तर…
या चित्रपटातीस ‘पहरेदारी बहुत हुई, अब प्रहार होगा’, हा इमरानचा संवाद जोश निर्माण करणारा आहे. सई आणि इमरान यांच्यासह अभिनेता ललित प्रभाकरही या सिनेमात महत्त्वाच्या भूमिकेत आहे. त्यानेही इमरानसह बीएसएफ जवानाची भूमिका साकारली आहे. इंटेलिजेन्स टीमची अधिकारी आदिलाच्या भूमिकेतली जोया हुसैनही लक्ष वेधून घेते.
लेखकाबद्दलजान्हवी भाटकरजान्हवी भाटकर, महाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. डिजिटल आणि टेलिव्हिजन मीडियामध्ये ५ वर्षांचा अनुभव. ‘न्यूज १८ लोकमत’मधून डिजिटल मीडियामध्ये काम करण्यास सुरुवात. ऑनलाइन माध्यमांमध्ये ३ वर्ष कार्यरत. मनोरंजन, लाइफस्टाइल आणि अर्थ विषयात आवड.… आणखी वाचा