Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
तेज पोलीस टाइम्स : परवेज शेख
70306 46046
Pune-बुध, 30 एप्रिल 2025 कसबा पेठेतील सुमारे सातशे वर्षे जुन्या ऐतिहासिक छोटा शेख सलाहुद्दीन दर्ग्याच्या उत्सवाला ३० एप्रिलपासून सुरुवात होणार आहे. हजरत ख्वाजा मखदूम शेख सलाउद्दीन चिश्ती निजामी अल्गारी सिद्दीकी (राहे) ट्रस्टच्या वतीने सहा दिवसीय महोत्सवाचे आयोजन करण्यात आले आहे. यंदा या महोत्सवाचे ६८७ वे वर्ष आहे. प्राचीन परंपरेनुसार याही वर्षी अमित देवरकर कुटुंबीय दर्ग्यात नाचणी रोटीचा प्रसाद देणार आहेत. हा दर्गा जवळपास 700 वर्षांपासून हिंदू-मुस्लिम ऐक्याचे प्रतीक म्हणून परिसरात प्रसिद्ध आहे. या ठिकाणी हजारो नागरिक आपला नवस पूर्ण करण्यासाठी जरब विधी करतात आणि त्यापैकी 60 टक्क्यांहून अधिक हिंदू आहेत हे विशेष. छत्रपती शिवाजी महाराज आणि श्रीमंत पेशवे यांनी ऐतिहासिक छोटा शेख सलाहुद्दीन दर्ग्यावर प्रकाश व्यवस्था आणि धार्मिक विधींचा खर्च भागवण्यासाठी मोठ्या प्रमाणात निधी दिला. ऐतिहासिक कागदपत्रेही उपलब्ध आहेत. छत्रपती शिवाजी महाराज आणि श्रीमंत पेशव्यांनी दिलेल्या देणग्यांवरून या दर्ग्यावर सर्व धर्माच्या लोकांची श्रद्धा असल्याचे स्पष्ट होते. यावर्षी परचम कुशाई, संदल शरीफ, मेहफिल-ए-समा, रतीबुल रिफाई, जरब टोचने, छत्ती शरीफ आणि खीर कार्यक्रमांसोबत बहरदार कव्वालीचेही आयोजन करण्यात येणार आहे.