रिक्षामध्ये विसरलेली महिलेच्या पर्सचा शोध घेऊन 1,09,000/- रुपये किंमतीच्या वस्तू परत दिल्या

By tejpolicetimes Last updated May 19, 2025

तेज पोलीस टाइम्स : परवेज शेख 70306 46046

न्यूज रिपोर्ट फिरोज शेख

महिला नामे – सुहासिनी चंद्रकांत धोत्रे, 45 वर्षे, नंदा नौकरी, राहणार – सुभाष नगर, येरवडा या आज दिनांक – 19/05/2025 रोजी 13.00 वाजता बँकेच्या कामा करिता रिक्षा मधून गाडीतळ, येरवडा येथे आलेल्या होत्या. रिक्षा सोडल्यानंतर बँकेतील काम झाल्यानंतर 13.30 वाजण्याच्या सुमारास त्यांना समजले की आपली पर्स रिक्षामध्ये विसरून गेली होती. त्यामध्ये सोन्याची चेन व रोख रक्कम असे एकूण – 1,09,000/- रुपये किमतीच्या वस्तू होत्या.
नमूद महिला येरवडा पोलीस स्टेशन येथे आल्यानंतर सपोनी पाटील, पोउनी सुर्वे, पोलीस अंमलदार कांबळे यांना भेटले. त्यांनी रिक्षा चालकाला गुगल पे वरून पैसे दिले होते. समक्ष माहिती दिल्यानंतर, दिलेल्या सूचनेप्रमाणे डी बी पथकाच्या अंमलदारांनी तात्काळ चौकशी करून, रिक्षा शोधून काढली व त्यामधील पर्स संबंधित महिलेला परत मिळवून दिली. सपोनि दिनेश पाटिल, श्रेणी पोउपनि प्रदिप सुर्वे, पोहवा तुषार खराडे, किरण घुटे, सागर जगदाळे,श्री कांबळे त्यामधील वरील वर्णनाच्या सर्व वस्तू प्राप्त करून, त्या महिलेस परत देण्यात आलेले आहेत.
माहितीस्तव सादर.