Pune-खुनाचा प्रयत्न केल्याच्या गुन्ह्यातगेल्या दीड वर्षांपासून फरार असलेल्या आरोपी खडक पोलिसांनी केले अटक

तेज पोलीस टाइम्स : परवेज शेख

Pune खुनाचा प्रयत्न केल्याच्या गुन्ह्यातगेल्या दीड वर्षांपासून फरार असलेल्या आरोपीच्या खडक पोलिसांनी मुसक्या आवळल्या. आझिम उर्फ पल्ला सलीम शेख (वय २४, रा. लोहियानगर) असे अटक करण्यात आलेल्या आरोपीचे नाव आहे. पोलिसांनी दिलेल्या माहितीनुसार, आरोपी शेख याच्या विरुद्ध खडक पोलीस ठाण्यात गुन्हा दाखल होता. मात्र मागील दीड वर्षांपासून तो पोलिसांना गुंगारा देत होता. दरम्यान, पोलीस अंमलदार आशीष चव्हाण आणि ईरफान नदाफ यांना खबऱ्याकडून आरोपीबद्दल माहिती मिळाली. आरोपी शेख कोंढवा भागात नाव बदलून राहत असल्याचे पोलिसांना समजले. पोलिसांनी संबंधित पत्त्यावर जाऊन त्याचा शोध घेतला. तेव्हा आरोपी शेख तिथे असल्याचे पोलिसांना आढळले. पोलिसांनी त्याला ताब्यात घेतले. शेख याच्याविरुद्ध खुनाचा प्रयत्न, घरफोडी, दुखापत, अशा स्वरूपाचे एकूण सहा गुन्हे दाखल आहे.

सदरची कामगिरी पोलीस उपायुक्त कृषिकेश रावले यांच्या मार्गदर्शनाखाली सहआयुक्त साईनाथ ठोंबरे, वरिष्ठ निरीक्षक शशिकांत चव्हाण, निरीक्षक (गुन्हे) शर्मिला सुतार, मनोजकुमार लोंढे, उपनिरीक्षक महेंद्र कांबळे, पोलीस अंमलदार आशिष चव्हाण, ईरफान नदाफ यांनी ही कारवाई केली.