चंदननगर भागात २५,००,०००/- रु किंमतीचा मॅफेड्रॉन (एम.डी.) हा अंमली पदार्थासह जप्त

तेज पोलीस टाइम्स : फिरोज शेख

Pune-अंमली पदार्थ विरोधी पथक. २ हे पुणे महानगरपालिका निवडणुक २०२६ च्या अनुषंगाने पुणे शहर आयुक्तालयाचे कार्यक्षेत्रात अंमली पदार्थ गैरव्यवहाराचे अनुषंगाने प्रतिबंधक कार्यवाही करीता पेट्रोलिंग करत असताना पोलीस अंमलदार संदिप देवकाते यांना त्याचे गुप्त बातमीदाराकडुन बातमी मिळाली की योगी आईसक्रिम फॅक्टरी सोपान नगर येथील सायरस पेडर यांचे फार्म हाऊस मध्ये वडगांवशेरी रोड पुणे येथे इसम नामे रतननाथ मोहननाथ योगी रा. सर्वे नं. २३, सोपान नगर, वडागांव शेरी पुणे हा मुळचा राजस्थान स्थित रहीवासी असून चंदननगर भागात मोठ्या प्रमाणात मॅफेड्रॉन (एम.डी.) ची विक्री करीत आहे अशी खात्रीशीर बातमी मिळाल्यावरून गुन्हेशाखा अंमली पदार्थ विरोधी पथक ०२ कडील अधिकारी व अंमलदार यांनी धडक कार्यवाही करून रतननाथ मोहननाथ योगी ऊर्फ महाराज यास शिताफीने पकडून त्याचे कब्जातून एकुण २५,००,०००/- रु.कि.चा १२० ग्रॅम ७९ मिलीग्रॅम मॅफेड्रॉन (एम.डी.), इलेक्ट्रॉनिक वजनकाटा, अॅन्डरॉईड फोन व रोख रक्कम असा मुद्देमाल हस्तगत केला आहे. त्याचे विरूध्द चंदननगर पोस्टे गु.र.नं.११/२०२६, एन.डी.पी.एस. अॅक्ट कलम ८ (क), २१ (क) प्रमाणे गुन्हा दाखल करण्यात आला आहे.

सदर कारवाई पोलीस निरीक्षक सुदर्शन गायकवाड, सहा. पोलीस निरीक्षक नितीनकुमार नाईक, पोलीस उप-निरीक्षक अस्मिता लाड, पोलीस अंमलदार, राजस शेख, संदिप जाधव, पृथ्वीराज पांडुळे, सुनिल महाडीक, गणेश गोसावी, अमोल जगताप, संदिप देवकाते, दिनेश बास्टेवाड, महेश बोराडे, शुभांगी म्हाळसेकर यांचे पथकाने, मा. पोलीस आयुक्त श्री. अमितेश कुमार, मा. सह पोलीस आयुक्त श्री. रंजनकुमार शर्मा, मा.अपर पोलीस आयुक्त, गुन्हे श्री. पकंज देशमुख, मा. पोलीस उप-आयुक्त, गुन्हे, श्री. निखील पिंगळे मा. सहा पोलीस आयुक्त, गुन्हे. २, श्री. राजेंद्र मुळीक यांचे मार्गदर्शनाखाली अंमली पदार्थ विरोधी पथक २, गुन्हे शाखा, पुणे शहर यांच्या मार्गदर्शन व सुचना प्रमाणे केलेली आहे.