Numerology Prediction, 29 July 2024 : अंकशास्त्रानुसार, सोमवार, मूलांक 1 तुमच्या गुप्तशत्रूंपासून तुम्हाला सावध राहावे लागेल. मूलांक 3 असणाऱ्यांनी हट्टीपणा सोडावा तर मूलांक 4 च्या जातकांनी खर्चावर नियंत्रण ठेवा. मूलांक 8 असणाऱ्यांना थकवा जाणवेल तर मूलांक 9 असणाऱ्यांनी तब्येतीची काळजी घ्यावी आणि खाण्यापिण्यावर नियंत्रण ठेवावे. तुमचा आजचा दिवस कसा असेल? तुमचा मूलांक काय सांगतो? जाणून घेऊया
मूलांक 1 – गुप्तशत्रूंपासून सावध राहा
मूलांक 1 असणाऱ्यांसाठी दिवस ठिक आहे. तुमच्या गुप्तशत्रूंपासून तुम्हाला सावध राहावे लागेल. काही लोक तुमचे काम बिघडवण्यासाठी प्रयत्नशील असतील. नोकरीत आज सामान्य यश मिळेल.
मूलांक 2 – संयमाने कामे करा
मूलांक 2 साठी दिवस साधारण आहे. तुमच्या परिस्थितीत सुधारणा होईल, यासाठी तुम्हाला आज संयमाने काम करावे लागेल. इतरांच्या बोलण्याला भुलून स्वतःसाठी अडचणी उभ्या करू नका.
मूलांक 3 – हट्टीपणा सोडावा लागेल
मूलांक 3 साठी दिवस फारसा बरा नाही. तुम्हाला जर मित्रांसोबत काम करायचे असेल, तर हट्टीपणा आणि वादविवाद सोडावा लागेल, तरच तुम्हाला यशाची चव चाखता येईल.
मूलांक 4 – खर्चावर नियंत्रण ठेवा
तुम्हाला आज अनावश्यक खर्चावर नियंत्रण ठेवावे लागेल. आर्थिक शिस्त पाळली तरच तुम्ही नुकसानीपासून वाचू शकता. इतरांप्रति स्नेहभावना ठेवणे चांगली गोष्ट आहे, पण स्वतः पूर्ण विसरून जावे, अशी वर्तणूकही ठेवू नका.
मूलांक 5 – आर्थिक देवाणघेवणातील घाई नको
मूलांक 5 साठी आजच्या दिवशी धावपळ आहे. आज कोणत्याही आर्थिक देवाणघेवणीत घाईगडबड न करणे अत्यंत आवश्यक आहे. फार विचारपूर्वक एखाद्याला पैसे द्या. तसेच कोणतीही कागदपत्र न वाचता स्वीकारू नका.
मूलांक 6 – डोकेदुखीचा त्रास सतावेल
मूलांक 6 साठी दिवस चांगला नाही. जुने आजार डोके वर काढणार. आज कुटुंबातील एखाद्या सदस्याच्या प्रकृतीची चिंता सतावेल. तुम्हालाही आज काही कारणामुळे डोकेदुखीचा त्रास सतावेल. आज खाण्यापिण्यावर लक्ष द्यावे.
मूलांक 7 – अनामिक भीती सतावेल
मूलांक 7 साठी दिवस चांगला नाही. प्रेमसंबंधात संवादाच्या अभावामुळे मानसिक त्रास होईल. आज काही अनामिक भीती सतावेल. त्यामुळे अनावश्यक विचार न करता कामावर लक्ष केंद्रित करा.
मूलांक 8 – थकवा जाणवेल
मूलांक 8 साठी त्रासदायक दिवस आहे. आज तुम्ही अधिक व्यस्त राहाल, अशी शक्यता दिसते. अशामध्ये तुम्हाला थकवा, शारीरिक वेदना यांचा त्रास होऊ शकतो. स्वतःसाठी थोडा वेळ काढू शकला तर तुम्हा या अडचणींपासून दूर राहाल.
मूलांक 9 – खाण्यापिण्यावर नियंत्रण ठेवा
मूलांक 9 साठी दिवस ठिक आहे पण तब्येतीची काळजी घ्यायला हवी. ज्यांना उच्च रक्तदाब तसेच पोटाशी संबंधित काही विकार आहेत, अशांनी आज खाण्यापिण्यावर नियंत्रण ठेवले पाहिजे. आज काही लोकांशी भेटीगाटी होतील.