दाऊदच्या शोधासाठी नवी मुंबई पोलिसांची सहा पथकं कामाला लागली होती. त्यांनी संपूर्ण राज्यात त्याचा शोध घतेला. त्यानंतर नवी मुंबई पोलिसांना एक टीप मिळाली आणि दाऊद त्यांच्या जाळ्यात अडकला. कर्नाटकातील गुलबर्गा येथील शहापूरमधून नवी मुंबई पोलिसांच्या पथकाने दाऊदला ताब्यात घेतलं.
या पीडित तरुणीवर चाकूने वार करुन तिची हत्या करण्यात आली. त्यानंतर तिचा चेहरा आणि प्रायव्हेट पार्टही चिरडण्यात आले होते. गुरुवारी २५ जुलैला ती घरातून निघाली ती परलीच नाही. त्यानंतर दुसऱ्या दिवशी तिचा मृतदेह उरणच्या एका पेट्रोल पंपाजवळ आढळून आला होता. तिच्या मृतदेहाची स्थिती इतकी भीषण होती की त्यावरुन तिची ओळख पटवणे कठीण झाले होते. कुटुंबीयांनी अंगावरील कपडे आणि टॅटूवरुन तिची ओळख पटवली होती.
शवविच्छेदन अहवालात काय समोर आलं?
दरम्यान, पीडित तरुणीचा शवविच्छेदन अहवालही आता समोर आला आहे. तिची अत्यंत निर्घृणपणे हत्या केल्याचं नमुद करण्यात आलं आहे. शवविच्छेदन अहवालात पीडित मुलीवर बलात्कार झाला नसल्याचं स्पष्ट झालं आहे. हल्लेखोराने चाकूने अनेक वार करून तिची हत्या केली. त्यानंतर काही कुत्र्यांनी तिचे लचके तोडल्याचंही अहवालात सांगण्यात आलं आहे. मृतदेह खाजवला.
तिच्या चेहऱ्यावर, शरीरावर आणि गुप्तांगावर गंभीर जखमा आहेत. तिचा चेहरा, छाती आणि प्रायव्हेट पार्टवर चिरडण्यात आल्याचं सांगण्यात येत आहे.
पोलिसांनी दिलेल्या माहितीनुसार, २५ जुलैला गुरुवारी सकाळी पीडित तरुणी मैत्रिणीच्या घरी जात असल्याचे सांगून घरातून निघाली. रात्री उशिरापर्यंत ती घरी न परतल्याने तिच्या वडिलांनी ती बेपत्ता झाल्याची तक्रार दाखल केली. त्यानंतर दुसऱ्या दिवशी उरणच्या एका पेट्रोल पंपाजवळ तिचा मृतदेह आढळून आला.