Numerology Prediction, 1 August 2024 : अंकशास्त्रानुसार, बुधवार, मूलांक 1 असणाऱ्यांना वरिष्ठांकडून मदत मिळाल्याने दिलासा तर मूलांक 2 च्या जातकांना आईवडिलांची बोलणी खावी लागतील. मूलांक 3 ने जर आळस सोडला नाही तर कामाचे खूप नुकसान होईल. मूलांक 6 असणाऱ्यांनी कामाचे योग्य नियोजन करावे नाहीतर एक ना धड भाराभार चिंध्या असे होईल. मूलांक 9 साठी काही समस्या उभ्या राहतील, पण मित्रांच्या मदतीने या समस्यांवर मार्ग निघू शकेल. तुमचा आजचा दिवस कसा असेल? तुमचा मूलांक काय सांगतो? जाणून घेऊया
मूलांक 1 – वरिष्ठांकडून मदत मिळाल्याने दिलासा
आजचा दिवस तुम्हाला संमिश्र राहील. तुम्हाला आज काही जुन्या कामांतून लाभ होऊ शकतो, तर दुसरीकडे तुम्हाला आज घाईगडबडही टाळावी लागेल, अन्यथा समस्यांना तोंड द्यावे लागेल. आज तुम्हाला वरिष्ठांकडून काही कामात मदत मिळू शकेल, त्यामुळे दिलासा लाभेल.
मूलांक 2 – आईवडिलांची बोलणी खावी लागतील
आजचा दिवस तुमच्यासाठी फारसा अनुकूल नाही. तुम्हाला आज आईवडिलांकडून काही बाबतीत बोलणी खावी लागतील. आज तुम्ही एखाद्या ट्रिपचे नियोजन करण्याबद्दल विचार कराल.
मूलांक 3 – आळसामुळे नुकसान
आजचा तुमचा दिवस फारसा चांगला नाही.आज तुम्ही स्वतःमध्ये गर्क असाल, त्यामुळे तुमचा आळस तुम्हाला अडचणीत आणू शकतो. आळसामुळे तुमच्या कामातही दिरंगाई होताना दिसेल, आणि त्यातून नुकसान होईल.
मूलांक 4 – पैशांची देवाणघेवाण टाळा
आजचा दिवस तुमच्यासाठी अनुकूल आहे. तुम्ही जर जमीन, घर, किंवा वाहन खरेदीबद्दल विचार करत असाल तर आज यात प्रगती करू शकता. पण आजच्या दिवशी पैशांची देवाण, घेवाण आणि पैसे उधार देणे किंवा घेणे यापासून तुम्हाला दूर राहावे लागेल, अन्यथा अडचणीत याल
मूलांक 5 – चांगल्या संधी मिळतील
तुमचा आजचा दिवस अनुकूल आहे आणि तुम्हाला लाभ होतील. तुमच्या हातातील बरीच कामे आज पूर्ण होताना दिसतील. तुम्हाला आज धैर्याने पुढे पावले टाकावी लागतील, त्यातून तुम्हाला चांगल्या संधी मिळतील.
मूलांक 6 – यशासाठी नियोजनपूर्वक काम करा
तुमच्यासाठी आजचा दिवस संमिश्र आहे. यश मिळवण्यासाठी तुम्हाला आज नियोजनपूर्वक काम करावे लागेल. एखादी योजना बनवून केलेल्या कामातून यश मिलेल. विद्यार्थ्यांना अभ्यासामुळे आज चिंता सतावेल.
मूलांक 7 – इतरांची मदत कराल
आजचा दिवस तुमच्यासाठी अनुकूल आहे. तुम्ही दीर्घकाळापासून ज्या संधीची वाट पाहात आहात, ती तुम्हाला मिळेल. आज लाभाचा दिवस आहे आणि यशप्राप्त कराल. तसेच तुम्ही आज इतरांची मदतही कराल.
मूलांक 8 – कामात सुधारणांची संधी
आजचा दिवस ठिक आहे. आज काही विषयांत सुधारणा करण्याची संधी तुम्हाला मिळणार आहे. तसेच आज भावनिक दृष्टिकोनातून तुम्ही संतुलित असाल, त्यामुळे तुम्हाला करिअरमध्ये लाभ होतील. तुमच्या संतुलित वृत्तीमुळे तुम्हाला काही लोक स्वार्थी म्हणतील, पण तुम्हाला याकडे लक्ष देण्याची गरज नाही.
मूलांक 9 – सावध राहावे लागेल
आजचा दिवस साधारण आहे. आज तुमच्यासमोर काही समस्या उभ्या राहतील, पण मित्रांच्या मदतीने या समस्यांवर मार्ग निघू शकेल. काही लोक तुमच्या कामात अडथळे आणण्याचा प्रयत्न करतील, त्यामुळे तुम्हाला सावध राहात, स्वतःच्या कामावर लक्ष केंद्रित करावे लागणार आहे.